The news is by your side.

Advertisement

ملک کے مختلف علاقوں میں گرمی اور بارش کی پیش گوئی

اسلام آباد /کراچی / لاہور : آئندہ 24گھنٹوں کے دوران ملک کے بیشتر علاقوں میں موسم گرم اور خشک رہے گا۔ تاہم آج رات میرپور خاص، مالاکنڈ، ہزارہ، پشاور، کوہاٹ، سرگودھا، لاہور ڈویژن، فاٹا، کشمیر اور گلگت بلتستان میں چند مقامات پر گرج چمک کے ساتھ بارش کا امکان ہے۔

محکمہ موسمیات کے مطابق ہفتے سے منگل کے دوران خیبر پختونخواہ(مالاکنڈ، ہزارہ، پشاور، مردان، کوہاٹ، بنوں، ڈی آئی خان ڈویژن)، فاٹا، اسلام آباد، پنجاب(راولپنڈی، گوجرانوالہ، لاہور، سرگودھا، فیصل آباد، بہاولپور، ساہیوال، ملتان، ڈی جی خان ڈویژن)، سندھ(میرپور خاص، سکھر، شہید بینظیر آباد، حیدرآباد ڈویژن)، گلگت بلتستان اور کشمیر میں کہیں کہیں بارش کا امکان ہے۔

جنوبی پنجاب میں کپاس کی کاشت کے علاقوں میں بھی اتوار سے منگل کے دوران بارش کی پیشنگوئی کی گئی ہے، اتوار سے منگل کے دوران سکھر، میرپور خاص، بہاولپور، ساہیوال، لاہور اور گوجرانوالہ ڈویژن اور کشمیر میں چند مقامات پر موسلادھار بارش کا بھی امکان ہے۔

گزشتہ 24 گھنٹوں کے دوران  ملک کے بیشتر علاقوں میں موسم گرم اور خشک رہا تاہم لاہور اور پارہ چنار میں 01 ملی میٹر بارش ریکارڈ کی گئی۔

گزشتہ روز ریکارڈ کئے گئے گرم ترین مقامات میں سب سےزیادہ درجہ حرارت تربت میں44 ڈگری سینٹی گریڈ جبکہ سبی، لسبیلا، چھور 43، نورپورتھل، رحیم یار خان 42، مِٹھی، شہید بینظیر آباد، کوٹ ادو، بھکر میں 41 ڈگری سینٹی گریڈ ریکارڈ کیا گیا۔

Print Friendly, PDF & Email

Comments

comments

یہ بھی پڑھیں