The news is by your side.

Advertisement

مجرمان کی گرفتاری کے لیے حکومت نیب کی مدد کرے گی، انتخابات وقت پر ہوں گے، بیرسٹرعلی ظفر

کراچی / لاہور : نگراں وزیراطلاعات بیرسٹرعلی ظفر نے کہا ہے کہ شفاف اور بروقت انتخابات کرانا ہماری آئینی ذمہ داری ہے، سزا یافتہ افراد کی گرفتاری کے لئے حکومت نیب کی مدد کے لئے تیار ہے۔

ان خیالات کا اظہار انہوں نے لاہور اور کراچی میں میڈیا سے گفتگو کرتے ہوئے کیا، بیرسٹرعلی ظفر نے مزار قائد پر حاضری کے موقع پر کہا کہ شفاف اور بروقت انتخابات کرانا ہماری آئینی ذمہ داری ہے، انتخابات مقررہ وقت 25جولائی کو ہوں ہی گے۔

انہوں نے کہا کہ ہمیں اپنے آپ کو غیرجانبدار رکھنا ہے، سرکاری ٹی وی پر تمام پارٹیوں کو یکساں وقت دیا جارہا ہے، عوام اپنے آئینی حق ووٹ کا صحیح اور بھرپور استعمال کریں، وقت آگیا ہے کہ ووٹرز کو بھی ایجوکیٹ کیا جائے، میڈیا بھی شفاف انتخابات کیلئے اپناکردار ادا کرے۔

نگراں وزیراطلاعات نے مزید کہا کہ مزار قائد پر واٹر ٹریٹمنٹ پلانٹ کا افتتاح کردیا ہے، ہمارا مؤقف ہے سب کو برابر کا حق ملے، ڈیمز بنانے ہیں، پانی کے ایک ایک قطرے کی ضرورت ہے، پاکستان کے تین دریاؤں میں پانی آتا رہے گا، پاکستان میں بجٹ کا5سے7فیصد پانی پر خرچ ہوتا ہے۔ آبی ذخائر کے ساتھ آبی کفایت بھی ضروری ہے، سچ بولیں عوام سے جھوٹ بولنے کا فائدہ نہیں۔

قبل ازیں لاہور میں میڈیا سے گفتگو میں بیرسٹرعلی ظفر کا کہنا تھا کہ قانون سب کے لئے برابر ہے اور عدالتی فیصلے پر عمل درآمد کرانا ہے ، نیب کی ٹیم سزا یافتہ افراد کی گرفتاری کےلئے سرگرم ہے، سوائے ایک کے دو مجرم ابھی تک پکڑے نہیں گئے،حکومت نیب کی مدد کے لئے تیار ہے،مقدمے کی میرٹ کو دیکھ کر کسی کا نام ای سی ایل میں ڈالا جاتا ہے۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں