The news is by your side.

Advertisement

کراچی کو تباہی سے بچانا ہے تو مسائل مستقل بنیادوں پر حل کرنا ہوں گے، بیرسٹر فروغ نسیم

کراچی : وفاقی وزیر قانون بیرسٹر فروغ نسیم نے کہا ہے کہ کراچی کے مسائل پر وزیراعظم نے کمیٹی بنائی ہے، گزشتہ گیارہ سال سے شہر قائد پر کوئی توجہ نہیں دی گئی۔

ان خیالات کا اظہار انہوں نے کراچی سے متعلق اہم اجلاس کی صدارت کرتے ہوئے کیا،۔ تفصیلات کے مطابق کراچی میں صفائی اور دیگر مسائل کی موجودہ صورتحال کے حوالے سے وزیرقانون فروغ نسیم زیرصدارت اجلاس ہوا۔

اجلاس میں وفاقی وزراء خالد مقبول صدیقی، فیصل واوڈا، میئر کراچی وسیم اختر، حلیم عادل شیخ، خرم شیرزمان اور دیگر موجود تھے، اجلاس میں کراچی کے مسائل اوران کےحل کے لیے مختلف تجاویز زیر غور آئیں۔

اس موقع پر خطاب کرتے ہوئے وفاقی وزیر قانون فروغ نسیم نے کہا کہ شہر کراچی کے مسائل پر وزیراعظم عمران خان نے ایک کمیٹی تشکیل دی ہے، ابتدائی طور پر12رکنی کمیٹی تشکیل دی گئی ہے۔

کراچی اسٹریٹیجک کمیٹی میں چھ ممبران ایم کیوایم اور چھ پی ٹی آئی کے ہوں گے، حکومت کی کمیٹی کراچی میں انتظامی مسائل کیلئے سفارشات مرتب کرے گی۔ انہوں نے کہا کہ گزشتہ 11سال میں کراچی کے مسائل پر کوئی توجہ نہیں دی گئی، جس کے باعث شہر میں مسائل کا انبار لگا ہوا ہے۔

کراچی میں کچرے اور دیگر مسائل بے تحاشہ ہیں، کراچی کو تباہی سے بچانا ہے تو جلد یہ مسائل مستقل بنیادوں پر حل کرنا ہونگے، فروغ نسیم کا مزید کہنا تھا کہ شہر بھر کا کچرا اٹھانا اور اسے ڈمپنگ پوائنٹ تک پہنچانے کیلئے مستقل حل نکالنا ہوگا، اسی لیے آج ہنگامی بنیادوں پر اجلاس طلب کیا گیا ہے اور ان معاملات پر غور کیا گیا۔

Comments

comments

یہ بھی پڑھیں