اسلام آباد : پاکستان تحریک انصاف کے چیئرمین پی ٹی آئی بیرسٹر گوہر نے حکومت سے سے مذاکرات شروع ہونے کے خبروں کی تردید کردی۔
تفصیلات کے مطابق پاکستان تحریک انصاف کے چیئرمین پی ٹی آئی بیرسٹر گوہر نے حکومت سے مذاکرات کے حوالے سے کہا کہ آج سے مذاکرات شروع نہیں ہورہے لیکن ہم کوشش کررہے ہیں، جوکمیٹی بنائی ہے اس کا پراسس فالو ہونا چاہیے۔
چیئرمین پی ٹی آئی کا کہنا تھا کہ بانی پی ٹی آئی نے کمیٹی بنائی ہے تاکہ کسی حل پر پہنچ جائیں اور سیاسی مسائل کامستقل حل ڈھونڈا جائے، چاہتے ہیں مذاکرات ہوں اور کسی حل تک پہنچا جائے۔
انھوں نے کہا کہ حکومت نےابھی تک کوئی رابطہ نہیں کیا، بانی پی ٹی آئی کی زندگی کو اپنے لوگوں سے کوئی خطرہ نہیں۔
مزید پڑھیں : حکومت اور پی ٹی آئی کے درمیان مذاکرات کا باضابطہ آغاز آج ہوگا
خیال رہے اس سے قبل صاحبزادہ حامد رضا نے آج سے مذاکرات کے آغاز کی تصدیق کی تھی اور کہا تھا حکومت اورپی ٹی آئی کے درمیان مذاکرات کا باضابطہ آغاز آج ہونے جارہا ہے، پی ٹی آئی کی 5رکنی کمیٹی حکومتی کمیٹی سے مذاکرات کرے گی۔
