چیئرمین پی ٹی آئی بیرسٹر گوہر کا شیر افضل مروت کے ٹوئٹ پر ردعمل آگیا۔
اے آر وائی نیوز کے مطابق چیئرمین پی ٹی آئی بیرسٹر گوہر نے کہا کہ سیاست میں ہر بات یا سوال کا جواب نہیں دینا ہوتا۔
انہوں نے کہا کہ آپ اکثر عمران خان سے محبت کا اظہار کرتے ہیں اگر یہ حقیقت ہے تو آئندہ ان کی اہلیہ، بہنوں پر منفی بات نہیں کریں گے۔
بیرسٹر گوہر نے کہا کہ چاہے کچھ بھی ہوجائے آپ منفی ریمارکس نہیں دیں گے۔؎
یہ پڑھیں: ’ہار‘ کسی اور کے پاس پڑا ہے، سزا بانی اور بشریٰ بی بی کو ہوگئی، شیر افضل مروت
اس سے قبل نجی ٹی وی سے گفتگو میں شیر افضل مروت نے دعویٰ کیا تھا کہ مارچ 2026 سہیل آفریدی کی وزارت کا آخری مہینہ ہوگا۔
ان کا کہنا تھا کہ علیمہ خانم اتنی مہربانی کیوں ہو رہی ہیں؟ انھوں نے سہیل آفریدی کی بھی واٹ لگائی ہے، ریلیز فورس بنانا بھی علیمہ خان کا ہی مطالبہ تھا، بانی پی ٹی آئی کی زندگی میں ان کی بہن نے تباہی مچائی ہے۔
شیر افضل مروت نے دعویٰ کیا تھا کہ علیمہ خانم بتا دیں کہ انھوں نے ہار نہیں لیا ہے، بتائیں کہ وہ ہار کدھر گیا؟ علیمہ خان اسپتال کی 5 سو کنال زمین بھی کھا گئیں، اگر میں جھوٹ بول رہا ہوں تو علیمہ خانم میرے خلاف کیس کردیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں