The news is by your side.

Advertisement

بارسلونا نے ریال میڈرڈ کو شکست دے دی، میسی کے پانچ سو گول مکمل

میڈرڈ : اسپینش فٹبال لیگ کے اہم میچ میں لائنل میسی کی بارسلونا نے کرسٹیانو رونالڈو کی ریال میڈرڈ کو دو کے مقابلے میں تین گول سے شکست دے دی، میسی نے بارسلونا کی طرف سے پانچ سو گول کرنے کا اعزاز بھی حاصل کرلیا۔

تفصیلات کے مطابق میڈرڈ کے برناباؤ اسٹیڈیم میں دو بڑی ٹیموں کے درمیان بڑا مقابلہ ہوا جس میں دنیائے فٹبال کے دو سپر اسٹارز سب کی توجہ کا مرکز تھے۔ روایتی حریفوں کے درمیان کھیلا جانے والا میچ انتہائی سنسنی خیز رہا۔

کھیل کے اٹھائیسویں منٹ میں ریال میڈرڈ نے شائقین کا جوش بڑھادیا۔ پانچ منٹ بعد میسی نے اپنا جادو دکھادیا۔ مقابلہ برابر ہوگیا۔ کرسٹیانو رونالڈو پہلے ہاف میں بدقسمت رہے۔ میسی نے جیت کیلئے اپنا خون تک بہادیا۔

دوسرے ہاف میں دونوں ٹیموں نے زبردست اٹیک کیا، گول کیپرز نے کئی یقینی گول بچائے لیکن تیہترویں منٹ میں بارسلونا کی ٹیم آگے نکل گئی۔ کھیل ختم ہونے سے پانچ منٹ قبل ریال میڈرڈ نے ادھار چکادیا اور مقابلہ برابر ہوگیا۔

کھیل کے آخری لمحات میں لائنل میسی نے ریال میڈرڈ کو جھٹکا دے دیا۔ کیرئیرکا پانچ سو واں گول کرتے ہوئے ٹیم کو ناقابل فراموش جیت دلادی۔

بارسلونا کے اسٹار کھلاڑی لوئنل میسی نے شاندار کارکردگی کا مظاہرہ کرتے ہوئے میچ میں دو گول کیے۔ اس کے علاوہ لوئنل میسی نے بارسلونا کی جانب سے کھیلتے ہوئے پانچ سو گول کرنے کا اعزاز بھی اپنے نام کرلیا۔

Print Friendly, PDF & Email

Comments

comments

یہ بھی پڑھیں