لاہور: حکومت پنجاب نے فروری کے دوسرے ہفتےمیں بسنت منانے کی اجازت دے دی.
وزیر اطلاعات پنجاب فیاض الحسن چوہان نے اپنی پریس کانفرنس میں کہا کہ لاہوریوں کا دیرینہ مطالبہ تھا کہ بسنت منانے کی اجازت دی جائے.
[bs-quote quote=” اپنی پٹواری سوچ کی وجہ سے ہمارے بچوں کے مستقبل کو تباہ نہ کریں” style=”style-7″ align=”left” author_name=”فیاض الحسن چوہان”][/bs-quote]
فیاض الحسن چوہان کا کہنا تھا کہ لاہورکےعوام اس بار اپنا پسندیدہ فیسٹیول منائیں گے، وزیر اطلاعات کے مطابق کمیٹی بسنت سے متعلق سفارشات پیش کرے گی، بسنت سے ہونے والے نقصانات کا جائزہ کمیٹی میں لیا جائے گا.
ایک سوال کے جواب میں انھوں نے کہا کہ عوام بہ خوبی جانتے ہیں کہ خیبرپختونخوا میں ہم نے کتنے درخت لگائے، پہلی مرتبہ ملک بھرمیں شجرکاری مہم چلائی جارہی ہے، خیبرپختونخوامیں درخت لگانے کے اقدامات کو عالمی اداروں نے سراہا.
مزید پڑھیں: وزیرِ اعظم نے قومی شجر کاری مہم میں حصہ لینے والے بچوں کی تصاویر شیئر کر دیں
فیاض الحسن چوہان نے کہا کہ مشاہد اللہ خان کو درخت لگانے کے پروجیکٹ پراعتراض نہیں کرنا چاہیے، مشاہداللہ پٹواری سوچ چھوڑیں، درخت ہمارے مستقبل کے لئے ہیں، اپنی پٹواری سوچ کی وجہ سے ہمارے بچوں کے مستقبل کو تباہ نہ کریں.
وزیر اطلاعات فیاض الحسن چوہان کا کہنا تھا کہ ملک بھرمیں درخت لگانےکا مہم جاری رہے گا، آپ اپنا کام جاری رکھیں.
