بسنت منانے کی حتمی منظوری وزیراعلی پنجاب دینگے، مجتبی شجاع الرحمٰن -
The news is by your side.

Advertisement

بسنت منانے کی حتمی منظوری وزیراعلی پنجاب دینگے، مجتبی شجاع الرحمٰن

لاہور : صوبائی وزیر اطلاعات میاں مجتبی شجاع الرحمٰن نے کہا ہے کہ بسنت کے تاریخی تہوار کو منانے کیلئے کمیٹی نے اپنی سفارشات ترتیب دے دی ہیں جس کی حتمی منظوری وزیراعلی پنجاب دیں گے۔

ان خیالات کا اظہار انہوں نے لاہور پریس کلب میں میڈیا سے گفتگو کرتے ہوئے کیا، صوبائی وزیر کا کہنا تھا کہ حکومت بسنت کے تاریخی فیسٹول کو بحال کرنا چاہتی ہے جس کیلئے کمیٹی کی سفارشات وزیراعلی پنجاب کو ارسال کردی گئی ہے۔

میاں مجتبی شجاع الرحمن نے کہا کہ پاک سر زمین پارٹی کے سربراہ مصطفی کمال کی پنجاب میں کوئی سپورٹ نہیں۔ ایک سوال کے جواب میں ان کا کہنا تھا کہ بلاول بھٹو زرداری بڑی قومی جماعت کے سربراہ ہیں لیکن ابھی انہیں سیاسی بلوغت کو پہنچنا پڑے گا، پانچ سو لوگوں کے سامنے اپنی بھڑاس نکال کر کوئی وزیراعظم نہیں بن سکتا۔

مزید پڑھیں : لاہور میں بسنت کی اجازت ملنے کا امکان، کمیٹی تشکیل

وزیراطلاعات کا مزید کہنا تھا کہ توانائی بحران پر قابو پانے کیلئے پنجاب حکومت وفاق کی معاونت سے شروع ہونے والے منصوبوں کوحتمی شکل دی جارہی ہے جس کے تحت دو ہزار آٹھارہ تک لوڈشیڈنگ کا خاتمہ ہوجائے گا۔

Comments

comments

یہ بھی پڑھیں