شام سے مفرور ہوکر روس جانے والے سابق صدر بشارالاسد کتنی مہنگی ترین اور لگژری گاڑیاں استعمال کرتے تھے، حیران کن ویڈیو سامنے آگئی۔
برسوں کے اقتدار کے خاتمے کے بعد بشار الاسد کی بہت سی شاہ خرچیاں سامنے آئی ہیں، ان کی زیر استعمال درجنوں لگژری گاڑیوں کی ویڈیو نے لوگوں کو حیران کردیا ہے، دمشق میں بشار الاسد کے محل کے قریب ان کی مہنگی ترین گاڑیوں کا شاندار گیراج واقع ہے۔
لگژری گاڑیوں کی کثیر تعداد نہ صرف گیراج میں موجود ہے بلکہ انھیں دیکھنے سے ہی اندازہ ہوتا ہے کہ یہ کس قدر قیمتی گاڑیاں ہیں، ایک گاڑی پر دمشق کی نمبر پلیٹ بھی نظر آرہی ہے۔
بین الاقوامی میڈیا نے بھی اس وائرل ویڈیو کی تصدیق کی ہے جس میں مغربی دمشق کے ایک بڑے گودام میں 40 سے زائد لگژری گاڑیاں نظر آرہی ہیں۔
ان گاڑیوں میں 30 لاکھ ڈالرز سے زائد مالیت کی سرخ رنگ کی فیراری ایف 50 جیسی گاڑی بھی شامل ہے، انہی گاڑیوں میں دنیا کی مہنگی تررین کار لیمبورگنی بھی دیکھی جاسکتی ہے۔
رولز رائس کار جو صرف دنیا کے امیرترین افراد ہی رکھتے ہیں وہ بی ان کے بڑے میں شامل ہے، اس کے علاوہ بینٹلی بھی گاڑیوں کے بیڑے میں نظر آئی۔
