سڈنی: آسٹریلیا کے شہر کوئنس لینڈ کے ایک قصبے میں چمگادڑوں نے قبضہ کرلیا جس کی وجہ سے ہزاروں شہری گھروں میں محصور ہوگئے ہیں۔
آر ٹی ای کی رپورٹ کے مطابق کوئنس لینڈ کے قصبے انگھم میں جمعے کی شام اچانک ہزاروں چمگادڑوں کی آمد ہوئی، جنہیں دیکھ کر رہائشی پریشان اور اپنے گھروں میں محصور ہوگئے۔
رپورٹ کے مطابق چمگادڑوں کی تعداد شہریوں سے دگنی ہے اسی وجہ سے وہاں کے عوام خوف کا شکار ہیں۔
عوام نے مقامی حکومت سے مطالبہ کیا کہ وہ چمگادڑوں کو بھگانے کے اقدامات کریں کیونکہ ہزاروں کی تعداد میں آنے والے ممالیہ کی وجہ سے علاقے میں بدبو، شور اور گندگی پھیل گئی جس کی وجہ سے پریشانی کا سامنا ہے۔
مزید پڑھیں: ’کرونا وائرس چمگادڑ کی وجہ سے پھیلتا ہے‘: انکشاف
رپورٹ میں بتایا گیا ہے کہ آسٹریلیا کے قانون میں چمگادڑوں کو بھگانا، مارنا یا انہیں ایسا نقصان پہنچانا منع ہے جس کی وجہ سے ان کی جانوں کو خطرہ ہو۔ اس حوالے سے مقامی حکام کا کہنا ہے کہ ہم چمگادڑوں کو بھگانے اور انہیں واپس بھیجنے کے لیے اقدامات کررہے ہیں۔
Hundreds of thousands of fruit bats have taken over a town in Australia, wreaking havoc throughout the community | Read more: https://t.co/mCRA2pRMsy pic.twitter.com/ZLNBGcFU12
— RTÉ News (@rtenews) February 7, 2020
دوسری جانب حکام نے کرونا وائرس اور متعدد وائرس پھیلنے کے خدشے کو مدنظر رکھتے ہوئے پہلے ہی اسپتالوں میں ایمرجنسی نافذ کردی ہے۔