سڈنی: بگ بیش لیگ کے میچ میں رن آؤٹ سے بچنے کی کوشش نے کھلاڑی کو اسپتال پہنچا دیا۔
تفصیلات کے مطابق آسٹریلیا کی بگ بیش لیگ میں رن آؤٹ سے بچنے کی کوشش میں کھلاڑی بری طرح زخمی ہوگیا، فیلڈر کی تھرو کے بعد بیٹسمین سیم ہارپر نے تیزی دکھائی تو وہ بولر سے جاٹکرائے۔
میلبرن رینے گیڈز کے سیم ہارپر کو سر پر چوٹ آنے کے سبب فوری طور پر اسپتال منتقل کردیا گیا جہاں ان کی حالت خطرے سے باہر بتائی گئی ہے۔
واضح رہے کہ بگ بیش لیگ میں میلبرن رینے گیڈز کی نمائندگی کرنے والے سیم ہارپر مخالف ٹیم ہوبارٹ ہاریکنز کے بولر نیتھن ایلیز سے ٹکرا گئے تھے۔
ڈاکٹر ہارپر کی حالت کا جائزہ لے کر انہیں میدان سے باہر لے گئے، انہوں نے 5 گیندوں پر 6 رنز بنائے تھے جب وہ ریٹائرڈ ہرٹ ہوئے۔
😨 Nasty collision in the middle between Sam Harper and Nathan Ellis. Play has stopped while the docs take a look at Harper #BBL09 pic.twitter.com/yDARqnMtRl
— KFC Big Bash League (@BBL) January 21, 2020
بعدازاں بی بی ایل نے ٹویٹ میں اطلاع دی کہ ہارپر کھیل میں مزید حصہ نہیں لیں گے اور ان کی جگہ ٹام کوپر کو شامل کرلیا گیا ہے۔
میچ میں ہوبارٹ ہاریکنز نے مقررہ اوورز میں 3 وکٹوں کے نقصان پر 190 رنز بنائے اور میلبرن کو جیت کے لیے 191 رنز کا ہدف دیا تھا۔
میلبرن کی ٹیم ہدف کے تعاقب میں 4 وکٹوں کے نقصان پر 186 رنز بناسکی، افغانستان کے محمد نبی کی 30 گیندوں پر 63 رنز کی جارحانہ اننگز بھی میلبرن رینی گیڈز کو شکست سے نہ بچاسکی۔