گلے میں پھنسی بیٹری کے ساتھ بچی نے معجزانہ طور پر 4 ماہ گزار لیے۔
بین الاقوامی میڈیا رپورٹس کے مطابق 11 ماہ کی بچی نے غلطی سے ایک چھوٹی سی بیٹری جس کا سائز ایک بٹن کے برابر تھا گلے میں پھنسا لی۔
ابتدا میں بچی کو کھانے میں دشواری کا سامنا کرنا پڑا تو ڈاکٹرز نے بغیر تحقیق کے وائرل انفیکشن یا گلے میں معمولی درد سمجھ کر دوا دی جس سے وقتی طور پر بچی کو آرام آیا لیکن وہ مستقل پریشانی میں مبتلا رہی۔
والدین کی تشویش بڑھی تو سرجن نے بچی کا معائنہ کیا اور گلے کا ایکسرے کیا جس میں ڈاکٹر گلے میں پھنسی کوئی ٹھوس چیز دیکھ کر حیران رہ گیا۔
ڈاکٹر نے فوری طور پر آپریشن کرنے کا فیصلہ کیا اور والدین کی اجازت کے بعد دو گھنٹے کے کامیاب آپریشن کے ذریعے بیٹری کو نکال کر بچی کی تکلیف دور کر دی۔
ڈاکٹر کا کہنا ہے کہ بیٹری آہستہ آہستہ غذا کی نالی کی طرف بڑھ رہی تھی جو کہ انتہائی خطرناک ہو سکتا تھا۔ آپریشن کے بعد بچی کے منہ کو ٹیپ لگا کر بند کر دیا گیا ہے اور ناک سے نالی کے ذریعے اسے غذا دی جارہی ہے۔
