واشنگٹن: امریکی ماہرین نے جدید ٹیکنالوجی میں ایک قدم آگے بڑھ کر ایسا روبوٹک نظام مرتب کیا ہے جس کے تحت انسان اپنی دماغی لہروں سے روبوٹ کنٹرول کر سکتے ہیں۔
امریکی ریاست میسا چوسٹس کے انسٹیٹیوٹ آف سائنس اینڈ ٹیکنالوجی میں تیار کیا گیا بیکسٹر نامی روبوٹ انسانی دماغ کی لہروں سے چلایا جاسکے گا۔
یہ روبوٹ اپنے سسٹم سے منسلک دماغ کی لہروں کے تحت خود کار طور پر کام کرے گا۔ یہی نہیں یہ روبوٹ غلطیوں کی از خود تصحیح بھی کر لیا کرے گا۔
اس روبوٹ کو ہدایات دینے کے لیے کسی انسان کو مختلف الیکٹروڈز اور تاروں سے جڑی ایک ٹوپی پہننی ہوگی۔ ٹوپی پر لگے تار دماغ میں چلنے والی لہروں کا جائزہ لے کر ان کے مطابق روبوٹ کو ہدایات دیں گے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں