بھارتی رئیلیٹی شو بگ باس کے 16ویں سیزن سے شہرت حاصل کرنے والے عبدو روزک کی شادی کی تقریب ملتوی ہوگئی۔
تاجکستانی گلوکار اور بھارتی رئیلیٹی شو بگ باس سیزن 16 کے کنسسٹنٹ عبدو روزک نے گزشتہ ماہ مئی میں فوٹو اینڈ ویڈیو شیئرنگ ایپ انسٹاگرام پر اپنی منگنی کی تصاویر جاری کی تھیں ساتھ ہی انہوں نے اپنی شادی کی تاریخ کا اعلان بھی کیا تھا۔
تاہم اب بھارتی میڈیا کا کہنا ہے کہ عبدو روزک نے اہم مصروفیت کی وجہ سے شادی کی تاریخ آگے بڑھا دی ان کی شادی رواں سال 7 جولائی کو نہیں ہوگی۔
بھارتی میڈیا کا کہنا ہے کہ عبدو روزک نے شادی ملتوی ہونے کی وجہ بتاتے ہوئے کہا کہ ’انہیں پہلے باکسنگ میچ کی پیشکش ہوئی ہے جو کہ دبئی میں 6 جولائی کو ہوگا‘۔
عبدو روزک کا کہنا تھا کہا میں نے کبھی تصور بھی نہیں کیا تھا کہ انھیں اپنی زندگی میں کسی اعزاز کے لیے فائٹ کا موقع ملے گا، یہ سال میرے کریئر اور لو لائف کیلئے بہت بہترین ثابت ہوا ہے۔
’ لیکن اپنے کریئر کی وجہ سے مجھے اپنی شادی بدقسمتی سے ملتوی کرنی پڑ رہی ہے لیکن اس سے ہمارے مستقبل کو مالی تحفظ ملے گا‘۔
