The news is by your side.

Advertisement

راولپنڈی : بینظیر قتل کی سماعت 14 اکتوبر تک ملتوی

راولپنڈی : انسدادِ دہشت گردی کی خصوصی عدالت نے بے نظیر بھٹو قتل کیس کی سماعت چودہ اکتوبر تک ملتوی کردی۔

بینظیر قتل کیس کی سماعت کے دوران وزارت خارجہ کی جانب سے امریکی صحافی مارک سیگل سے متعلق رپورٹ عدالت میں پیش کی گئی، رپورٹ کے مطابق مارک سیگل نومبر کے پہلے ہفتے میں ویڈیو لنک بیان پر جرح کیلئے دستیاب ہوں گے جبکہ فاضل عدالت نے بار بار طلبی کے باوجود پیش نہ ہونے پر استغاثہ کے گواہ ایس پی طاہر ایوب کے دائمی وارنٹ گرفتاری جاری کر کے انہیں گرفتار کر کے عدالت میں پیش کرنے کا حکم جاری کیا۔

مقدمے کے مدعی مقدمہ انسپکٹر کاشف ریاض دادی کی وفات کے باعث عدالت میں پیش نہیں ہوئے، ان کے بیان پر جرح کیلئے آئندہ سماعت چودہ اکتوبر تک ملتوی کردی گئی.

Print Friendly, PDF & Email

Comments

comments

یہ بھی پڑھیں