The news is by your side.

Advertisement

برطانوی نشریاتی ادارے کا مقبوضہ کشمیر میں ریڈیو کوریج دینے کا اعلان

لندن : برطانوی نشریاتی ادارے بی بی سی اردو نے مقبوضہ کشمیر میں مواصلاتی نظام کی مکمل بندش پر ریڈیو کوریج دینے کا اعلان کر دیا ہے جبکہ دیگر برطانوی نیوز ایجنسیاں بھی نہتے کشمیریوں کی آواز اٹھانے لگی۔

تفصیلات کے مطابق دنیا کے سامنے مقبوضہ کشمیر میں جاری بھارتی مظالم کو لانے کیلئے برطانوی میڈیا متحرک ہیں ، بی بی سی اردو نے مقبوضہ کشمیر کیلئے خصوصی نشریات شروع کرنے کا اعلان کردیا۔

برطانوی نشریاتی ادارے بی بی سی نے مقبوضہ کشمیر میں کوریج بڑھاتے ہوئے کہا مقبوضہ وادی میں مواصلاتی نظام کی مکمل بندش پر ریڈیو پر خصوصی پروگرام پیش کیا جائے گا۔

بی بی سی کے ڈائریکٹر جیمی اینگس کا کہنا ہے عالمی سروس کا بنیادی مقصد دنیا کے ان مقامات کے لوگوں تک آزاد اور معتبر خبریں پہنچانا ہے جو تنازعات اور کشیدگی کا شکار ہیں۔

دوسری جانب دیگر برطانوی نیوز ایجنسیاں بھی نہتے کشمیریوں کی آواز اٹھانے لگی، برطانوی اکبار ڈیلی میل پر بھی پاکستان کے موقف کی تائید کی گئی اور کشمیر کی صورتحال کے بارے میں بتایا گیا۔

دی انڈیپینڈنٹ نے ایل او سی پربھارتی جارحیت کی خبر لگائی، ٹیلی گراف میں بھی پاکستان اور بھارت کے درمیان کشیدگی کی سرخی لگائی گئی ۔

رائٹرز نے برطانیہ میں بھارتی ہائی کمیشن کے باہر احتجاج کو نمایاں کوریج دی اور بتایا کہ ہزاروں افراد نے کشمیریوں سے اظہار یکجہتی کیلئے ریلیاں نکالیں اور بھاتی فورسز کشمیری صحافیوں کو گرفتار کر رہے ہیں۔

Comments

comments

یہ بھی پڑھیں