غزہ میں اسرائیلی بربریت نے فلسطینیوں پر جو قیامت برپا کی وہ مناظر دیکھ کر بی بی سی کا رپورٹر آبدیدہ ہوگیا۔
غزہ میں اسرائیلی بربریت دیکھ کر بی بی سی کا رپورٹر حالات بتاتے ہوئے جذبات پر قابو نہ رکھتے ہوئے رو پڑا جس کی ویڈیو سوشل میڈیا پر وائرل ہوگئی۔
رپورٹر عدنان نے اسپتال میں حالات کو رپورٹ کرتے ہوئے جب زخمیوں اور مرنے والوں میں اپنے ہی دوستوں اور پڑوسیوں کو دیکھا تو جذبات پر قابو نہ رکھ سکے۔
صحافی عدنان نے کہا کہ جو کچھ دیکھ رہا ہوں میں نے ایسا منظر کبھی نہیں دیکھا۔
صحافی نے آنکھوں میں آنسو اور بوجھل دل کے ساتھ غیر معمولی رپورٹنگ کی۔
A local BBC reporter gives a testimony from one of the hospitals in Gaza.
They have reached full capacity long ago pic.twitter.com/i2GPoZ5Q8v
— Visegrád 24 (@visegrad24) October 12, 2023
واضح رہے کہ اسرائیلی بمباری سے شہید فلسطینیوں کی تعداد 1500 سے تجاوز کرچکی ہے جبکہ ہزاروں کی تعداد میں لوگ زخمی ہیں۔
اقوام متحدہ کے مطابق بے گھر فلسطینیوں کی تعداد 4 لاکھ 23 ہزار تک جا پہنچی ہے، آج رات لاکھوں فلسطینیوں کے پاس سونے کی جگہ نہیں، غزہ میں جنم لیتے انسانی المیے سے نمٹنے کےلیے 20 لاکھ فلسطینیوں کو فوری امداد کی ضرورت ہے۔
دوسری جانب حماس کے فوجی ترجمان ابو عبیدہ نے خبردار کیا ہے کہ اگر اسرائیل نے زمینی حملہ کیا تو اس کی فوج کو نیست ونابود کردیا جائے گا۔
اسرائیل پرحملوں کی ویڈیو جاری کرتے ہوئے حماس کے فوجی ترجمان نے دعویٰ کیا کہ جنگ کے آغاز پر ہی اسرائیلی فوج کا غزہ ڈویژن تباہ کردیا گیا ہے۔
