ڈھاکا: بنگلادیش کرکٹ بورڈ نے فنانس کمیٹی کے سربراہ نظم الاسلام کو عہدے سے برطرف کردیا ہے۔
بنگلادیش کرکٹ بورڈ کی فنانس کمیٹی کے سربراہ نظم الاسلام کو سابق کپتان تمیم اقبال کے خلاف متنازع بیان دینے پر عہدے سے برطرف کیا گیا ہے۔
بی سی بی کا کہنا ہے کہ فیصلہ کرکٹ بورڈ کے مفاد میں کیا گیا گیا ہے۔
بی سی بی کا کہنا ہے کہ نظم الاسلام کو ہٹانے کا فیصلہ بی سی بی کے آئین کے مطابق کیا گیا ہے، اب بی سی بی کے صدر فائنانس کمیٹی کے قائم مقام چیئرمین ہوں گے۔
یہ پڑھیں: بنگلہ دیشی کھلاڑیوں کا ڈائریکٹر کرکٹ بورڈ کے استعفے کا مطالبہ، وجہ سامنے آگئی
اعلامیے میں کہا گیا کہ بی سی بی پرامید ہے کہ بنگلادیش کرکٹ کی بہتری کیلئے پروفیشنلزم اور جذبے کے ساتھ کھیل جاری رکھیں گے اور کھلاڑی بنگلادیش پریمئیر لیگ میں حصہ لے کر اس کے تسلسل کو یقینی بنائیں گے۔
واضح رہے کہ بنگلادیش کھلاڑیوں نے نظم الاسلام کے استعفے کا مطالبہ کیا تھا اور احتجاجاً بی پی ایل کے میچز کا بائیکاٹ کیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں