The news is by your side.

Advertisement

بھارتی کرکٹ بورڈ نے پی سی بی کا قانونی نوٹس مسترد کردیا

دہلی : بھارتی کرکٹ بورڈ نے پی سی بی کا قانونی نوٹس مسترد کردیا۔ سیکرٹری بی سی سی آئی نے کہا ہے کہ سیریز کیلئے کوئی معاہدہ نہیں ہوا، ایم او یو صرف کاغذ کا ایک ٹکرا ہے، جس کی قانون میں کوئی حیثیت نہیں۔

تفصیلات کے مطابق بھارتی کرکٹ بورڈ نے چیئرمین پی سی بی شہر یار خان کی جانب سے بھیجا گیا چونسٹھ ملین ڈالرز ہرجانے کا قانونی نوٹس مسترد کردیا۔ بھارتی بورڈ نے ایم او یو کی قانونی حیثیت پر سوال اٹھا دئیے۔

سیکرٹری بی سی سی آئی نے کہا کہ ایم او یو صرف کاغذ کا ٹکرا ہے، باقاعدہ طور پر کوئی معاہدا نہیں ہوا تھا، اس کی قانون میں کوئی اہمیت ہی نہیں ہے۔ ایم او یو کو دیکھ کر پی سی بی کو جواب دیں گے، یہ صرف ایک لیٹر تھا باقاعدہ طور کوئی معاہدہ نہیں تھا۔

انہوں نے کہا کہ پاکستان سے دوطرفہ سیریز حکومتی کلیئرنس سے مشروط ہے۔ یاد رہے کہ پی سی بی نے سیریز نہ کھیلنے پر بھارتی بورڈ کو ہرجانے کا نوٹس بھیجا تھا۔

مزید پڑھیں : سیریز کیوں نہیں کھیلی؟ پی سی بی کا بھارتی کرکٹ بورڈ کو نوٹس

شہریارخان کے مطابق پاکستان ناور بھارت کے درمیان دو سیریز نہ ہونے سے 64 ملین ڈالرز کا نقصان ہواہے جیسے پورا کیا جائے۔ چیئرمین پی سی بی نے کہا کہ بھارتی ہٹ دھرمی کی وجہ سے مالی نقصان سے زیادہ کرکٹ کے کھیل کو نقصان پہنچ رہا ہے اور دونوں ملکوں کے کرکٹ کے شائقین مایوسی کا شکار ہیں۔

 ذرائع کے مطابق بھارتی بورڈ کے انکار کے بعد پاکستان اب آئی سی سی کمیٹی میں معاملہ اٹھائےگا۔

Print Friendly, PDF & Email

Comments

comments

یہ بھی پڑھیں