The news is by your side.

Advertisement

پی ایس ایل میں بھارتی کھلاڑی مانگے گئے تو غور کریں گے، راجیو شکلا

ممبئی: آئی پی ایل کے چیئرمین راجیوشکلانے بھارتی کھلاڑیوں کی پاکستان سپرلیگ میں شرکت کااشارہ دے دیا۔

بھارتی میڈیاکے مطابق پاکستان سپرلیگ کے حوالے سے بھارتی کرکٹ بورڈکوکوئی درخواست نہیں آئی، پی ایس ایل کیلئے بھارتی کھلاڑی مانگے گئے تو غور کریں گے۔

آئی پی ایل کے سربراہ راجیوشکلا کا کہنا ہےکہ بھارتی کھلاڑی کسی غیر ملکی لیگ میں حصہ نہیں لیتے لیکن پی سی بی نے درخواست کی تو اپنے کھلاڑی پاکستان سپرلیگ میں بھیجنے کا سوچا جاسکتا ہے۔

دوسری جانب اے آر وائی نیوز کے پروگرام اسپورٹس روم میں بات کرتےہوئے بھارتی بورڈ کے نائب صدرراجیوشکلانے پاک بھارت سیریزدسمبرمیں ہونےکااشارہ دے دیا، کہتے ہیں سیریزکیلئےسری لنکااوربنگلادیش کا آپشن تھا۔دونوں بورڈز کےسربراہان سری لنکا میں کھیلنے پررضامند ہوئے۔

راجیوشکلا نے کہا کہ پاکستان میں کھیلنے کا ایک الگ ہی مزہ ہے، لیکن سیکیورٹی خدشات کے باعث پاکستان میں نہیں کھیل سکتے، بھارتی بورڈ کےنائب صدرنے کہاکہ سیریز کا پورا ریونیوپاکستان کو ہی ملےگا، پاک بھارت میچز پندرہ دسمبر سے کھیلے جائیں گے۔

Print Friendly, PDF & Email

Comments

comments

یہ بھی پڑھیں