The news is by your side.

Advertisement

بھارتی کرکٹ بورڈ کے صدر ششانک منوہر مستعفی

نئی دہلی : بھارتی کرکٹ بورڈ کے صدر ششانک منوہر نے استعفی دینے کا اعلان کردیا ہے۔

تفصیلات کے مطابق بی سی سی آئی کے صدر ’’ششانک منوہر‘‘ نے  اپنا استعفی کرکٹ بورڈ کے سیکریٹری انوراگ ٹھاکر کو ایک خط کے ذریعے بھیجوایا، جس میں انہوں نے یہ گزارش کی ہے کہ ان کا استعفی فوری طور پر منظور کیا جائے۔

بھارتی کرکٹ بورڈ کے ایک سنئیر آفیسر نے نام ظاہرنہ کرنے کی شرط پر برطانوی خبر رساں ادارے سے بات کرتے ہوئے اس بات کی تصدیق کی کہ ان کا استعفی بورڈ کو موصول ہوگیا ہے، مگر وہ مزید تفصیلات بتانے سے قاصر ہیں۔

بھارتی اخبار کے مطابق ششانک انٹرنیشنل کرکٹ کونسل کے سربراہ کے طور پرانتخابات کے لئے کھڑے ہونے کے خواہشمند ہیں، اس نشست کی شرائط کو مد نظر رکھتے ہوئے انہوں نے بطور صدر بی سی سی آئی بورڈ کو اپنا استعفی جمع کروادیا ہے۔

واضح رہے کہ آنجہانی جگموہن کے انتقال کے بعد اکتوبر 2015 میں ششانک منوہر نے بطور صدر بی سی سی آئی عہدہ سنبھالاتھا۔ اب صدر کی نشست خالی ہونے کے بعد بھارتی کرکٹ بورڈ میں صدارت کے لئے تین افراد اجے شرک، گنگاراجو اور راجیو شکلابھی خواہشمند ہیں۔

Comments

comments

یہ بھی پڑھیں