کراچی : معروف اداکارہ نیلم منیر نے بڑی اسکرین پر کام کے تجربے کو کامیاب قرار دیتے ہوئے کہا کہ خود پر کسی کردار کی چھاپ نہیں لگنے دوں گی۔
تفصیلات کے مطابق پاکستانی فلم و ڈرامہ انڈسٹری کی خوبرو اداکارہ نیلم منیر نے کہا ہے کہ قسمت پر بھی یقین ہے لیکن اس سے پہلے محنت کرنے کی قائل ہوں، بڑی اسکرین پر جب بھی اچھے کردار کی پیشکش ہوئی ضرور کام کروں گی۔
نیلم منیر کا ایک انٹرویو کے دوران کہنا تھا کہ انسان کی زندگی میں قسمت کا بھی بڑا عمل دخل ہوتا ہے اور میرا اس پر یقین ہے۔
اداکارہ کا کہنا تھا کہ قسمت کے ساتھ اس کے ساتھ ساتھ میں محنت اور لگن سے کام کرنے کی بھی قائل ہوں کیونکہ اس کا پھل آپ کو ضرور ملتا ہے۔
معروف اداکارہ کا کہنا تھا کہ ایسا نہیں ہونا چاہیے کہ انسان محنت نہ کرے اور سب کچھ قسمت پر ڈال دے۔
نیلم منیر نے مزید کہا کہ بڑی اسکرین کا تجربہ کامیاب رہا ہے لیکن میں کسی خاص کردار کی اپنے اوپر چھاپ نہیں لگنے دینا چاہیے۔
شادی ایک فریضہ ہے جس کا اعلان ڈنکے کی چوٹ پر کروں گی، نیلم منیر
اس سے قبل اداکارہ نے اپنی خفیہ شادی سے متعلق خبروں کی تردید کرتے ہوئے انہیں افواہ قرار دیا تھا۔
نیلم منیر نے کہا تھا کہ شادی کوئی چھپانے والی چیز نہیں اور جب بھی شادی کا فیصلہ کروں گی اس کا ڈنکے کی چوٹ پر اعلان کروں گی، شادی ایک فریضہ ہے اور اس کو سب کے سامنے ادا کرنا چاہیے۔
