The news is by your side.

Advertisement

نو ڈیرو : شہید بے نظیر بھٹو کی گیارہویں برسی آج منائی جائے گی، تیاریاں مکمل

نو ڈیرو : لاڑکانہ میں شہید بے نظیر بھٹو کی گیارہویں برسی آج منائی جارہی ہے، مرکزی جلسے کی تقریب سے پارٹی چئیرمین بلاول بھٹوزرداری اورسابق صدر آصف علی زرداری خطاب کریں گے۔

برسی کے موقع پر سیکورٹی کے سخت ترین انتظامات کئے گئے ہیں، اس موقع پر چھ ہزار پولیس اہلکار، رینجرز کے جوان اور خصوصی کمانڈوز سیکورٹی پر مامور ہوں گے۔

جلسہ گاہ کو چاروں طرف سے سیل کردیا گیا ہے جبکہ واک تھرو گیٹ کے ذریعے چیکنگ کے بعد شرکاء کو اندر جانے کی اجازت ہوگی، شرکاء کی نقل وحرکت پر نظر رکھنے کیلئے سی سی ٹی وی کیمرے بھی نصب کئے گئے ہیں۔

برسی کے موقع پر صبح نو بجے قرآن خوانی کا اہتمام کیا گیا ہے جبکہ اس موقع پر سابق صدر آصف علی زرادری کی جانب سے لنگر تقسیم کیا جائے گا برسی کی تقریب کا باقاعدہ آغاز دوپہر دو بجے ہوگا۔

تقریب سے پیپلز پارٹی کے چاروں صوبائی صدور اور مرکزی رہنماؤں کے علاوہ پارٹی چئیرمین بلاول بھٹو زرداری اور آصف علی زرداری خطاب کریں گے جبکہ اس موقع پر شہید بے نظیر بھٹو کی یاد میں ایک منٹ کی خاموشی اختیار کی جائے گی۔

برسی کے اختتام پر پارٹی تمام شہداء کیلئے دعا کی جائے گی، دوسری جانب برسی کے موقع پر سندھ حکومت کی جانب سے آج تعطیل کا اعلان کیا گیا ہے، اس موقع پر صوبائی حکومت کے تمام دفاتر اور تعلیمی ادارے بند رہیں گے۔

Comments

comments

یہ بھی پڑھیں