The news is by your side.

Advertisement

بے نظیربھٹوکی 64ویں سالگرہ آج منائی جارہی ہے

لاڑکانہ : شہید محترمہ بے نظیر بھٹو کا چونسٹھ واں یوم پیدائش آج انتہائی عقیدت احترام سے منایا جائے گا، سالگرہ کی مرکزی تقریب گڑھی خدابخش بھٹو میں منعقد ہوگی، تقریب میں بلاول بھٹو زرداری، خورشید شاہ، مراد علی شاہ اور دیگر رہنما شرکت کریں گے.

تفصیلات کے مطابق گڑھی خدا بخش بھٹو میں شہید بینظیر بھٹو کی مزار پر سالگرہ کی تقریبات کا آغاز قرآن خوانی سے کیا جائے گا، قرآن خوانی کی تقریب میں میں عوام اور کارکنان کی بڑی تعداد شریک ہوگی، سالگرہ تقریب میں شرکت کیلئے ملک بھر سے قافلے گڑھی خدا بخش پہنچ گئے۔

پیپلز پارٹی کے ذرائع کے مطابق سالگرہ کی تقریبات ضلعی سطح پر بھی منعقد کی جائیں گی، سالگرہ کی تقریبات میں افطار کے موقع پر کیک کاٹے جائیں گے۔

بے نظیر بھٹو ملکی سیاسی تاریخ کی بے مثال لیڈر تھیں‘ آپ اکیس جون 1953 کو ذوالفقار علی بھٹو اور نصرت بھٹو کے گھر پیدا ہوئیں۔

ابتدائی تعلیم کراچی، راولپنڈی اور مری میں حاصل کی اور اعلیٰ تعلیم پہلے ہاورڈ اور پھر آکسفورڈ سے حاصل کی ، بے نظیر جب کبھی پاکستان ہوتی تو اپنے والد ذوالفقار علی بھٹو کے ہمراہ اعلیٰ سطحی ملاقاتوں میں شامل رہتیں۔

27دسمبر2007 کو راولپنڈی کے لیاقت باغ میں بینظیر بھٹو نے اپنی زندگی کے آخری عوامی جلسے سے خطاب کیا اس موقع پر عوام کی کثیرتعداد موجود تھی۔

خطاب کے بعد جلسہ گاہ سے باہر نکلتے ہوئے اپنے کارکنان سے اظہارِ یکجہتی کے لئے وہ گاڑی کی سن روف سے باہرنکلیں اور اس موقع پرایک نامعلوم شخص نے انہیں گولی کا نشانہ بنایا اوراس کے ساتھ ہی ان کی گاڑی سے محض چند قدم کے فاصلے پر ایک خود کش حملہ ہوا۔

بینظیربھٹوکو راولپنڈی جنرل اسپتال منتقل کیا گیا جہاں وہ زخموں کی تاب نہ لاتے ہوئے خالقِ حقیقی سے جا ملیں۔

بینظیربھٹوکولاڑکانہ کے سے ملحقہ علاقے نوڈیرومیں ان کے والد ذوالفقارعلی بھٹو کے مزار میں دفن کیا گیا۔

Print Friendly, PDF & Email

Comments

comments

یہ بھی پڑھیں