The news is by your side.

Advertisement

ہڈیاں کھانے والا گدھ

مردہ اجسام کھانے والے پرندے گدھ خود کوئی شکار نہیں کرتے بلکہ دوسرے شکاری جانوروں کا بچا کھچا کھاتے ہیں۔ انہیں فطرت کا خاکروب بھی کہا جاتا ہے جو مرجانے والے جانوروں کے اجسام کھا کر اس جگہ کی صفائی کردیتے ہیں۔

گدھوں کی ایک قسم جسے بیئرڈڈ ولچر یا داڑھی والے گدھ کہا جاتا ہے صرف ہڈیاں کھاتے ہیں۔

ایک ویڈیو میں گدھ اور بھیڑیے کے تعلق کو دکھایا گیا ہے کہ کس طرح یہ دونوں جانور شکار کا صفایا کرتے ہیں۔

ویران برفانی علاقوں میں گدھ بھیڑیے کا پیچھا کرتا ہے۔ بھیڑیا عموماً شکار کرنے کے بعد یا مردہ پڑے جسم کو کھاتا ہے۔ اس وقت گدھ انتظار کرتا ہے کہ بھیڑیا اچھی طرح اپنا پیٹ بھر لے۔

بھیڑیے کے ہٹ جانے کے بعد گدھ لاش پر اترتا ہے اور اس کی ہڈیوں کو ٹکڑوں میں تقسیم کردیتا ہے۔

اس کے بعد وہ اپنی پسند کی ہڈی کا ٹکڑا اٹھا کر فضا میں اڑ جاتا ہے اور اپنے ٹھکانے پر پہنچ کر اسے کھاتا ہے۔

گدھ کے اندر دنیا کے تمام جانداروں میں سب سے زیادہ تیز ڈائجسٹو ایسڈ پایا جاتا ہے جو اسے سخت سے سخت غذا ہضم کرنے میں مدد دیتا ہے۔

Comments

comments

یہ بھی پڑھیں