لاس اینجلس : ہالی ووڈ کی چائلڈ آرٹسٹ جونشل الیگزینڈر نامعلوم افراد کی فائرنگ میں جان کی بازی ہار گئی۔
غیر ملکی میڈیا کے مطابق امریکی ریاست لوزیانا میں فائرنگ کا واقعہ پیش آیا جس کے نتیجے میں ہالی ووڈ فلموں میں بطور چائلڈ آرٹسٹ کام کرنے والی 22 سالہ اداکارہ جونشل الیکزینڈر ماری گئیں۔
واقعے کی تفصیلات کچھ اس طرح ہیں کہ مقتولہ اپنے ایک ساتھی کے ہمراہ گاڑی میں سفر کررہی تھیں کہ اچانک نامعلوم افراد نے گاڑی پر فائرنگ کردی، حملے میں 22 سالہ لڑکی موقع پر ہی دم توڑ گئی جب کہ ساتھی نوجوان کو زخمی حالت میں اسپتال پہنچایا گیا۔
امریکی پولیس ابتدائی تحقیقات کے بعد انکشاف کیا ہے کہ حملہ آور جونشل الیکزینڈر کو نہیں بلکہ ان کو دوست کو نشانہ بنانا چاہتے تھے۔
خیال رہے جونشل الیکزینڈر نے 2012 میں 12 برس کی عمر میں آسکر ایوارڈ کے لیے نامزد یافتہ فلم ’’بیسٹس آف دی سدرن وائلڈ‘‘ میں بطور چائلد آرٹسٹ کام کیا تھا بعدازاں انہوں نے فلمی دنیا کو چھوڑ کر ہوٹل میں ملازمت شروع کردی تھی۔
