The news is by your side.

Advertisement

آلو غذا کے ساتھ خوبصورتی کا خزانہ بھی

آلو ہماری روزمرہ کی غذا میں شامل ایک عام سبزی ہے، لیکن کیا آپ جانتے ہیں آلو ہماری جلد اور بالوں کے لیے بھی بے حد مفید ہے؟

بیوٹی ایکسپرٹس کے مطابق آلو ہماری جلد اور بالوں کے لیے جادوئی اثرات رکھتا ہے۔

گرمیوں کے موسم میں دھوپ سے جھلسنے کے بعد آلو جلن سے نجات کے لیے بے حد مفید ہے، آلو میں وٹامن سی موجود ہوتا ہے اور وٹامن سی جلد کے لیے بہت فائدہ مند ہوتا ہے۔

اس سبزی کو قدرتی فیشل بھی کہا جاتا ہے۔

آلوؤں کو چھیل کے ٹکڑوں میں کاٹ لیں اور بلینڈر میں پیس لیں۔ اب اس پیسٹ کو چہرے پر 30 منٹ تک لگائیں۔ اس کے بعد ٹھنڈے پانی سے دھولیں۔ باقاعدہ استعمال جلد چمکدار ہوجائے گی۔

اس مقصد کے لیے آلو کے قتلوں سے چہرے پر مساج بھی کیا جاسکتا ہے۔

بالوں کے لیے

آلو کا رس بالوں پر لگانے سے صحت مند بال جلد بڑے ہو جاتے ہیں، آلو کا رس نہ صرف بالوں کو بڑھاتا ہے بلکہ یہ کسی بھی وجہ سے متاثر ہونے والے بالوں کا علاج بھی ہے۔

آلو وٹامن اے، بی اور سی سے بھرپور ہوتا ہے جو انسانی جسم کی اہم ضرورت سمجھے جاتے ہیں۔

آلو کے رس میں ایک انڈے کی زردی اور ایک چمچ شہد ملاکر بالوں پر لگائیں، اس سے بال صحت، چمکدار اور گھنے ہوجائیں گے۔

Comments

یہ بھی پڑھیں