The news is by your side.

Advertisement

دنیا میں خوبصورتی کے منفرد اور انوکھے انداز، جسے دیکھ کر آپ دنگ رہ جائیں گے

فیشن ہر دور میں نئے انداز میں سامنے آتا ہے اور وقت کے ساتھ بدلتا بھی رہتا ہے، مرد ہوں یا خواتین دونوں کی خوبصورتی کے اپنے علیحدہ معیار ہیں۔

کہا جاتا ہے کہ خوبصورت نظر آنا ہر عورت کا بنیادی حق ہے جسے وہ استعمال بھی کرتی ہیں اسی لیے دنیا بھر میں فیشن انڈسٹری دن بہ دن ترقی کی جانب گامزن ہے۔

ہر ملک میں فیشن اور خوبصورتی کے الگ الگ معیار ہیں، اس کا تعلق کافی حد تک علاقائی ثقافت سے بھی ہوتا ہے، جس کی مناسبت سے یہ انداز بہت دلچسپ اور عجیب نظر آتے ہیں۔

اس حوالے سے اے آر وائی ڈیجیٹل کے پروگرام گڈ مارننگ پاکستان میں ایک رپورٹ پیش کی گئی ہے جس میں مختلف ممالک میں خوبصورتی کو اجاگر کرنے کیلئے کیے جانے والے انداز کو دکھایا گیا گیا ہے۔

ایک میاؤ نامی مقام پر رہنے والی خواتین خود کو خوبصورت اور منفرد دکھانے کیلئے اپنے آباؤ اجداد کے بالوں کو ساتھ لے کر چلتی ہیں، جس کا طریقہ کار یہ ہے کہ وہ ان بالوں کو لکڑی کے بڑے سے کنگھے پر باندھ کر اپنے سر پر رکھتی ہیں جس کا وزن تقریباً چھ کلو ہوتا ہے۔

لمبی گردن ہمارے ہاں بھی خوبصورت کی علامت سمجھی جاتی ہے لیکن برما کی خواتین نے اپنی گردنیں ضرورت سے زیادہ ہی لمبی کر رکھی ہیں، جس کیلئے وہ اپنی گردن میں پیتل کی بہت ساری کڑیاں ڈال کر رکھتی ہیں۔

برما کے علاقے بڈاؤں نامی علاقے کی خواتین اپنے گلے میں 15 کلو وزنی پیتل کی کڑیاں ڈالے رکھتی ہیں، جس ان کی گردنیں ناقابل یقین حد تک لمبی ہوجاتی ہیں، ان کا ماننا ہے کہ جس کی گرن جتنی لمبی ہوگی وہ اتنا ہی خوبصورت شمار ہوگی۔

سفید اور موتی جیسے دانت سب کو پسند ہوتے ہیں جس کیلیے طرح طرح کے لوازمات اور طریقے اپنائے جاتے ہیں لیکن دنیا میں ایسے لوگ بھی ہیں جو اپنے دانت سفید کے بجائے کالے کرواتے ہیں۔

ارگارو نامی علاقے کی خواتین ایک ایسی روایت پر عمل کرتے آرہی ہیں جس میں دانتوں کا باقاعدہ کالا کروایا جاتا ہے، اس میں ایسی اشیاء کا استعمال کیا جاتا ہے جو منہ سے خوشبو آنے کا باعث بنتی ہیں۔ ان کا ماننا ہے کہ اس طرح ان کی دولت میں اضافہ ہوگا اور وہ خوبصورت بھی دکھائی دیں گی۔

Comments

یہ بھی پڑھیں