تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

خوبصورت لوگوں کی چند عادات

کچھ لوگ ہمیشہ خوبصورت نظر آتے ہیں حالانکہ وہ ظاہری طور پر اتنے حسین نہیں ہوتے۔ اسی طرح کچھ لوگوں کے چہرے کے نقوش بہت اچھے ہوتے ہیں اور وہ بہت خوبصورت ہوتے ہیں لیکن انہیں دیکھتے ہی بیزاریت کا حساس ہوتا ہے۔

کیا آپ جانتے ہیں ایسا کیوں ہے؟

خوش و خرم جوڑوں کی کچھ عادات *

ہماری شخصیت میں ہر چیز کی جھلک آتی ہے، غربت، امارت، تربیت، اخلاق، اندرونی احساسات و جذبات، کسی کے بارے میں خیالات۔ جو لوگ ہر وقت غصہ کرتے رہتے ہیں ان کے چہرے کے تاثرات سخت ہوجاتے ہیں۔ اسی طرح جو لوگ خوش اخلاقی سے بات کرتے ہیں ان کے چہرے پر ایک نرم سا تاثر ہوتا ہے۔

ہمیشہ خوش رہنے والی خواتین کے کچھ راز *

ماہرین کے مطابق ہمارے اندر موجود غصہ،حسد، کینہ پروری، منتقم مزاجی، یا خوش اخلاقی، خلوص یا خوشی کا اثر چہرے پر بھی پڑتا ہے۔ بعض لوگ اتنے پرکشش نہیں ہوتے، نہ ہی وہ کوئی شاندار کپڑے پہنتے ہیں، اس کے باوجود ان کی صحبت میں وقت گزارنے کو دل چاہتا ہے۔ جبکہ کچھ لوگ نہایت حسین ہوتے ہیں، ان کی شخصیت بھی خوبصورت لگتی ہے، مگر ان کے ساتھ بیٹھنا آپ میں الجھن اور بیزاری پیدا کردیتا ہے۔

خوش رہنے کے چند طریقے *

فرق صرف مزاج کی وجہ سے پیدا ہوتا ہے۔

ماہرین کا کہنا ہے کہ ایسے ہی خوبصورت لگنے والے افراد کی چند عادات مشترک ہوتی ہیں۔ آئیے آپ بھی وہ عادات جانیئے۔

:بولنے سے پہلے سوچنا

ls-5

خوبصورت لوگ بولنے سے قبل سوچتے ہیں۔ آج کل سوشل میڈیا کا زمانہ ہے۔ یہ لوگ سوشل میڈیا پر بھی کچھ پوسٹ کرنے سے پہلے ضرور سوچتے ہیں اور حقائق کو پرکھتے ہیں۔ بے تکان بولنا اور بنا سوچے سمجھے بولنا آپ کی شخصیت پر برا اثر ڈالتا ہے۔

:ناپسندیدہ چیز کا مثبت پہلو دیکھنا

ls-3

خوبصورت لوگ کسی چیز کو نا پسند بھی کریں تب بھی اس سے نفرت نہیں کرتے۔ وہ اس میں بھی کوئی نہ کوئی مثبت پہلو ضرور تلاش کر لیتے ہیں۔

:ان لوگوں سے بات کرنا جن سے کوئی بات نہیں کرتا

ls-2

ہر شخص آپ کو کچھ نہ کچھ سکھاتا ہے۔ چاہے وہ کوئی بچہ ہی کیوں نہ ہو۔ آپ کبھی ایسے افراد سے بھی بات کریں جن سے عموماً کوئی بات نہیں کرتا۔ جیسے چھوٹے بچے، آپ کے آفس میں صفائی کرنے والا خاکروب۔ یہ عادت آپ کی شخصیت میں نکھار پیدا کردے گی۔

:نئی موسیقی سننا

ls-1

پرانی چیزوں خاص طور پر پرانی موسیقی سے چمٹے رہنا عقلمندی نہیں۔ نئی فلمیں دیکھیں، نئی موسیقی سنیں، یہ کچھ نہ کچھ آپ کو سکھائیں گی اور آپ کے علم و تجربہ میں اضافہ کریں گی۔

:اپنے ’کمفرٹ زون‘ سے باہر نکلنا

ls-4

کسی اچھے مقصد کے لیے رضا کارانہ طور پر خدمات سر انجام دیں، کوئی مختلف اخبار پڑھیں، مختلف خیالات رکھنے والے افراد سے ملیں اور ان سے گفتگو کریں۔ یہ ساری چیزیں آپ کی شخصیت کی خوبصورتی میں اضافہ کریں گی اور آپ کو ایک منفرد شخصیت بنائیں گی۔

Comments

- Advertisement -