site
stats
کھیل

جنوبی افریقہ سری لنکا میچ کے دوران شہد کی مکھیوں کا حملہ

جوہانسبرگ : جنوبی افریقہ اور سری لنکا کے میچ دوران شہد کی مکھیوں نے حملہ کردیا، کھلاڑی ان سے بچنے کیلیے گراؤنڈ میں لیٹ گئے، جس کے باعث کھیل کچھ دیر تک روکنا پڑا۔

تفصیلات کے مطابق شہد کی مکھیوں نے جوہانسبرگ کے اسٹیڈیم میں دھاوا بول دیا، یہ دلچسپ صورتحال اس وقت پیدا ہوئی جب جنوبی افریقہ اورسری لنکا کے درمیان تیسرا ون ڈے جا ری تھا۔

اس وقت سری لنکا کی ٹیم بیٹنگ کررہی تھی کہ اچانک شہد کی مکھیوں کا ایک بہت بڑا جتھا میدان میں داخل ہوگیا، اس دوران میچ کو فوری طورپر روک دیا گیا اور کھلاڑیوں سمیت امپائرز بھی مکھیوں کے کاٹنے کے ڈر سے زمین پر لیٹ گئے۔

امپائر نے چوکوں اور چھکوں کے اشارے دینے کے بجائے مکھیوں سے بچنے کے لیے لیٹ جانے میں ہی عافیت جانی، مکھیوں کے حملے کے باعث دو مرتبہ کھیل کو روکا گیا۔

مکھیوں نے گراؤنڈ میں موجود انسانوں کے علاوہ ہیلمٹ کو بھی نہیں چھوڑا، میدان کے عملے نے اسپرے سے مکھیوں کو بھگانے کی ہر ممکن کوشش کی لیکن کامیابی نہ ملی۔

جس کے بعد مکھیاں پکڑنے والوں کو بلوایا گیا۔ ایک گھنٹے تاخیر کے بعد میچ شروع ہوا جو بعد ازاں جنوبی افریقہ نے سات وکٹوں سے جیت لیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top