ارجنٹائن کے سانتا ازابیل شہر میں بیٹلز کے حملے نے عمارتوں اور املاک کو نقصان پہنچا دیا جس کی ویڈیو منظرعام پر آگئی۔
غیرملکی خبررساں ادارے کی رپورٹ کے مطابق ارجنٹائن کے وسطی صوبے لاپمپا کے تقریباً 2500 ایکڑ پر پھیلے قصبے ایک ہفتے تک کیڑوں کے جھنڈ سے دوچار ہے مقامی لوگ سڑکوں پر نکلنے سے قاصر ہیں اور اپنے گھروں میں محصور ہیں۔
ڈپٹی میئر کرسٹیان ایچیگرے نے میڈیا کو بتایا کہ بیٹلز ہر جگہ موجود ہیں دکانوں، گھروں اور سڑکوں پر بھی ان کا قبضہ ہے۔
#ARGENTINA 🇦🇷
Impresionante invasión de escarabajos (cascarudos) afectó la localidad de Santa Isabel, en La Pampa. 📹 @chematierrahttps://t.co/j1nuqCzO2Z pic.twitter.com/08vUASa8ai— C e n t i n e l a 3 5 (@QuakeChaser35) January 10, 2022
پولیس نے کیڑوں کو تھانے، رہائشی عمارتوں، گاڑیوں کو نقصان پہنچانے کے ساتھ ساتھ نالیوں کو جام کرنے سمیت دیگر تکالیف کا ذمہ دار ٹھہرایا ہے۔
رپورٹ کے مطابق مقامی حکام ‘حملے’ کو روکنے کے لیے ہر ممکن کوشش کر رہے ہیں یہاں تک کہ انہوں نے اس کی اسٹریٹ لائٹس اور پبلک بلڈنگ لائٹس کو بند کرنے کا سخت اقدام کیا۔
کیڑے کاٹتے یا ڈنک نہیں مارتے لیکن وہ ایک مضبوط خول سے محفوظ رہتے ہیں اور اڑتے وقت چیزوں کو نقصان پہنچانے کا سبب بنتے ہیں اس لیے مقامی لوگوں کو چوٹ سے بچنے کے لیے باہر رہتے ہوئے اپنے چہرے ڈھانپنے کی ہدایت کی گئی۔
Los cascarudos invadieron Santa Isabel y planean avanzar sobre la capital pampeana. Ampliaremos. pic.twitter.com/k1Co2V1LuL
— Muni Moreno (@munimoreno) January 10, 2022
کچھ رہائشی بڑے پیمانے پر اپنی مدد آپ کے تحت کیڑوں کو گھروں سے باہر نکال رہے ہیں اور انہیں شہر سے باہر بھی پھینک رہے ہیں۔
حکام کی جانب سے اس کی وجہ غیرمعمولی طور پر ہونے والی شدید بارشوں اور ہیٹ ویو کو قرار دیا جارہا ہے جہاں درجہ حرارت تقریباً 40 ڈگری سینٹی گریڈ تھا۔
حکام کا کہنا ہے کہ بارشوں اور شدید گرمی کے سبب کیڑوں کی افزائش ہوئی اور یہ زمین کے نیچے نشونما پاتے ہیں۔
