The news is by your side.

Advertisement

صدرِ پاکستان سے بحرین کے وزیر خارجہ کی ملاقات

اسلام آباد : صدر ممنون حسین نے کہا ہے کہ پاکستان بحرین سےتعلقات کوخصوصی اہمیت دیتا ہے اور دونوں ملکوں کے درمیان بہتر تعلقات سے اسلامی برادری مضبوط اور مستحکم ہوگی۔

یہ بات انہوں نے بحرین کے وزیرِ خارجہ خالد بن احمد سے ملاقات کے دوران کہی، صدرِ ممنون حسین کا کہنا تھا کہ پاکستان بحرین سےتعلقات کوخصوصی اہمیت دیتاہے اور دونوں ملک مشترکہ تاریخی اقدار اور ثقافت رکھتے ہیں۔

صدر ممنون حسین نے کہا کہ پاکستان اور بحرین کے درمیان دوطرفہ تجارتی حجم موجودہ صلاحیت سےمطابقت نہیں رکھتا اس لیے دونوں ممالک کے درمیان باہمی تجارت کےحجم میں اضافےکی اشد ضرورت ہے۔

ملاقات کے دوران صدرِ پاکستان ممنون حسین نے بحرین کے وزیر خارجہ سے بحرین سے تعلق رکھنے والے سرمایہ کار پاکستان میں توانائی اور بنیادی ڈھانچے کےشعبوں میں سرمایہ کاری کرنے کی ضرورت پر ذور دیا اور دونوں ملکوں نے توانائی ، دفاع ،زراعت اور اعلیٰ تعلیم کے شعبوں میں تعاون بڑھانے پر بھی اتفاق کیا ہے۔

بحرین کے وزیر خارجہ شیخ خالد بن احمد الخلیفہ نے کہا کہ فریقن نے آج زراعت اور سفارتی خدمات کی تربیت میں تعاون سے متعلق مفاہمت کی دو یادداشتوں پر دستخط بھی کئے۔ انہوں نے کہا کہ دونوں فریق دفاع ، معیشت اور سیاسی مشاورت میں تعاون کر رہے ہیں۔

اس موقع پر بحرین کے وزیر خارجہ نے صدرِ پاکستان ممنون حسین کا شکریہ ادا کرتے ہوئے کہا کہ بحرین اسلامی برادر ممالک سے بہتر تعلقات کا خواہاں رہا ہے اور پاکستان سے تو بحرین کے تعلقات دیرینہ رہے ہیں اور گذرتے وقت کے ساتھ ساتھ اس تعلق میں مزید مضبوطی، استحکام اور پائیداری آئے گی۔

Print Friendly, PDF & Email

Comments

comments

یہ بھی پڑھیں