The news is by your side.

Advertisement

ملک کے نامور اداکار کورونا وائرس میں مبتلا، مداح بھی افسردہ

کراچی : پاکستان میں اب تک شوبز سے وابستہ کئی شخصیات کورونا وائرس کا شکار ہوچکی ہیں اور یہ سلسلہ اب بھی جاری ہے، اس حوالے سے ایک معروف اداکار نے اسپتال سے جاری بیان میں اپنے چاہنے والوں سے دعائے صحت کی اپیل کی ہے۔

تفصیلات کے مطابق پاکستان کے معروف اداکار بہروز سبزواری میں کورونا وائرس کی تشخیص ہوئی ہے اور وہ مقامی اسپتال میں زیرِ علاج ہیں۔

ملک میں کورونا وائرس کی دوسری لہر کے دوران جہاں پاکستان میں عالمی وبا کے کیسز کی یومیہ تعداد 3 ہزار کے لگ بھگ ریکارڈ ہورہی ہے۔

معروف اداکار بہروز سبزواری نے بتایا کہ وہ اس وقت ضیاءالدین اسپتال کے انتہائی نگہداشت یونٹ (آئی سی یو) میں زیرِ علاج ہیں۔ اور وہ اس وقت کافی بہتر محسوس کررہے ہیں اور انہوں نے مداحوں سے صحت یابی کے لیے دعاؤں کی درخواست بھی کی۔

دوسری جانب ان کے بیٹے اور اداکار شہروز سبزواری نے میڈیا کو بتایا کہ بہروز سبزواری میں6 روز قبل کورونا وائرس کی تصدیق ہوئی تھی اور وہ اس وقت سے ہسپتال سے زیرِ علاج ہیں۔

شہروز سبزواری نے یہ بھی بتایا کہ ان کے والد ٹھیک ہیں، وہ کووڈ وارڈ میں نہیں ہیں لیکن عمر60 برس سے زائد ہونے کے باعث انہیں نگرانی میں رکھنے کی ضرورت ہے۔ اس کے ساتھ ہی اداکار شہروز سبزواری نے مداحوں سے والد کی صحتیابی کی دعا کی درخواست بھی کی۔

واضح رہے کہ ملک بھر میں کورونا کی دوسری لہر کے پیش نظر حکومت نے کئی سختیاں بھی عائد کی ہیں اور فیس ماسک پہننے کو لازمی قرار دے رکھا ہے۔

حکومت نے وبا سے بچاؤ کی خاطر شادی ہالز میں شادی کی تقریبات پر پابندی عائد کرنے سمیت شادی کی تقریبات کو محدود رکھنے کے احکامات دیے ہیں جبکہ 26 نومبر سے تعلیمی ادارے بھی بند کردیے گئے ہیں۔

Comments

یہ بھی پڑھیں