The news is by your side.

"سائرہ کو کبھی خود سے الگ نہیں‌ سمجھا، کہتا ہوں شادی کرلو”

کراچی: فلم اور ڈرامہ انڈسٹری کے سینئر اداکار بہروز سبزواری نے سابقہ بہو سائرہ یوسف سے متعلق گفتگو کی جو وائرل ہوگئی۔

اداکار بہروز سبزواری نے کہا کہ سائرہ یوسف آج بھی ہماری بیٹی ہے اگرچہ سائرہ اور شہروز کی کیمسٹری نہیں ملی لیکن اس سے کوئی فرق نہیں پڑتا کیونکہ ہم کچھ نہیں کرسکتے یہ اللہ پاک کا کام ہے۔

انہوں نے کہا کہ ہم نے کبھی سائرہ کو خود سے الگ نہیں سمجھا اور نہ سمجھیں گے، میں نے کئی بار ان سے کہا تم بھی سیٹل ہوجاؤ میں تمہارے ساتھ ہوں۔

بہروز سبزواری کا کہنا تھا کہ سائرہ ہماری بچی ہے اور ان کی بیٹی نورے ہماری جان ہے۔

طلاق کے بعد تنقید سے متعلق انہوں نے کہا کہ جتنے بھی لوگوں نے تنقید کی وہ وقت ہمارے اور سائرہ کے لیے بڑا سخت تھا اگرچہ یہ ہماری نجی مسئلہ تھا لیکن لوگ یہ سمجھتے ہیں کہ ہم بطور فنکار ان کی جاگیر ہیں۔

واضح رہے کہ اداکارہ سائرہ یوسف اور شہروز سبزواری نے طلاق کی تصدیق 29 فروری 2020 کو کی تھی بعدازاں شہروز نے ماڈل صدف کنول سے دوسری شادی کی اور اب دونوں کی ایک بیٹی ہے۔

Comments

یہ بھی پڑھیں