The news is by your side.

Advertisement

بیروت: دھماکے کے 1 ماہ بعد ملبے تلے دبے انسان کے زندہ ہونے کی امید

بیروت: لبنان کے دارالحکومت بیروت میں دھماکے کے 1 ماہ بعد ملبے تلے دبے انسان کی زندہ ہونے کی امید پیدا ہوگئی۔

تفصیلات کے مطابق لبنان کے دارالحکومت بیروت میں تباہ شدہ گھر کے ملبے کے نیچے آلے کی مدد سے کسی زندہ انسان کے دل کی دھڑکن کا سراغ لگایا گیا ہے۔ ملبے تلبے دبے انسان کی تلاش میں چلی کی ریسکیو ٹیم کے کھوجی کتے نے بھی مدد کی۔

چلی کی ریسکیو ٹیم کے اہلکاروں کا کہنا ہے کہ وہ زیادہ امیدیں نہیں لگانا چاہتے تاہم کسی کی لاش یا زندہ شخص کے ملنے کے ایک فیصد امکان کی صورت میں بھی تلاش کا کام جاری رہے گا۔

بیروت میں دھماکے کے ایک ماہ بعد بچ جانے والے افراد کی تلاش کے امکانات بہت کم ہیں، اس دھماکے میں 191 افراد ہلاک اور ساڑھے چھ ہزار سے زیادہ زخمی ہوئے تھے۔

چلی کی ریسکیو ٹیم کے اہلکار نے بتایا ہے کہ اس آلے نے کسی جانور کی نہیں بلکہ انسان کے سانس لینے اور دل کی دھڑکن کی نشاندہی کی ہے۔

یاد رہے کہ گزشتہ ماہ 4 اگست کو لبنان کے دارالحکومت بیروت میں ہولناک دھماکے سے 191 افراد ہلاک اور ساڑھے چھ ہزار سے زائد زخمی ہوئے تھے۔

Comments

یہ بھی پڑھیں