The news is by your side.

Advertisement

وھیل مچھلی کی دریا دلی، سمندر میں گرنے والا اسمارٹ فون خاتون کو واپس لا دیا

ناروے : وھیل مچھلی نے دریا دلی کا مظاہرہ کرتے ہوئے سمندر میں گرجانے والا اسمارٹ فون مالک کو واپس کر دیا، وہاں موجود لوگ وہیل کو خوشگوار حیرت سے دیکھتے رہے، ویڈیو سوشل میڈیا پر وائرل ہوگئی۔

ناروے کےعلاقے ہیمرفیسٹ میں ایک عجیب و غریب واقعہ پیش آیا، خاتون اینا مانیسکا اپنے دوستوں کے ساتھ وھیل مچھلی کا نظارہ کرنے کیلئےسمندر کنارے کھڑی تھی۔

اتنے میں انہیں ایک بیلوگا وھیل دکھائی دی، جب وہ جھک کر وہیل کو دیکھنے لگی تو اس دوران اس کا اسمارٹ فون جیب سے نکل کر سمندر میں گرگیا، ایک بلوگا وہیل کچھ دیر میں اسمارٹ فون منہ میں دبا کر خاتون کو واپس کرنے آئی۔

یہ منظر دیکھ کر وہاں موجود افراد خوشگوار حیرت میں مبتلا ہوگئے، خاتون کے دوستوں نے یہ مناظر اپنے کیمرے میں ریکارڈ کرلیے۔ تاہم موبائل فون میں پانی چلے جانے سے وہ مکمل طور پر خراب ہوگیا۔

مذکورہ ویڈیو دنیا بھر کے سوشل میڈیا پر وائرل ہوگئی اور لوگ اس حوالے سے اپنے خیالات کا اظہار کررہے ہیں۔

Comments

comments

یہ بھی پڑھیں