لاہور: پشاور زلمی اور کوئٹہ گلیڈی ایٹرز کے میچ میں بین کٹنگ کی جانب سے چار چھکے مارے جانے پر سہیل تنویر غصے میں آگئے۔
تفصیلات کے مطابق پشاور زلمی اور کوئٹہ گلیڈی ایٹرز کے میچ میں غیرملکی کھلاڑی بین کٹنگ نے ایک اوور میں چار چھکے جڑے تو سہیل تنویر غصے میں آگئے جس کی ویڈیو سوشل میڈیا پر وائرل ہوگئی۔
بین کٹنگ نے سہیل تنویر کے ایک اوور میں چار چھکے مارے اور ایک گیند پر دو رنز اور ایک پر سنگل لیا۔
میچ میں مجموعی طور پر سہیل تنویر نے اپنے چار اوورز میں میں 50 رنز دیے اور کوئی بھی وکٹ بھی حاصل نہیں کی۔
The over @Cuttsy31 was looking for 👀 #HBLPSL7 l #LevelHai l #PZvQG pic.twitter.com/YZWw1rorOn
— PakistanSuperLeague (@thePSLt20) February 15, 2022
بین کٹنگ 14 گیندوں 36 رنز بنا کر نسیم شاہ کو وکٹ دے بیٹھے، ان کی اننگز میں ایک چوکے اور چار چھکے شامل تھے، زلمی کے کھلاڑی کا کیچ بھی سہیل تنویر نے ہی لیا اور اس کے بعد انہوں نے بین کٹنگ کی جانب دیکھ کر نازیبا اشارے کیے اس سے پہلے کٹنگ نے بھی چھکا مارنے کے بعد سہیل تنویر کو نازیبا اشارے کیے تھے۔
واضح رہے کہ سہیل تنویر کیریبین پریمیئر لیگ میں حریف کھلاڑی کو نازیبا اشارے کرچکے ہیں۔