بینظیر بھٹو قتل کیس کے فیصلے کو چیلنج کریں گے، خورشید شاہ Khursheed Shah
The news is by your side.

Advertisement

بینظیر بھٹو قتل کیس کے فیصلے کو چیلنج کریں گے، خورشید شاہ

سکھر: قومی اسمبلی میں اپوزیشن لیڈر خورشید شاہ نے کہا ہے کہ بینظیر بھٹو قتل کیس کے فیصلے کو چیلنج کریں گے۔

تفصیلات کے مطابق عید کی نماز کے بعد میڈیا سے گفتگو کرتے ہوئے خورشید شاہ نے کہا کہ بینظیر بھٹو قتل کیس کے فیصلے سے پیپلزپارٹی مطمئن نہیں، پیپلزپارٹی کو اس مقدمے میں فریق نہیں بننے دیا گیا۔

انہوں نے کہا کہ عدالتی تاریخ ہے کہ غیر حاضر ملزم کو سزا سنادی جاتی ہے، کیس میں پرویز مشرف کو سزا نہیں سنائی گئی باہر جانے دیا گیا۔


یہ پڑھیں: بے نظیر بھٹو قتل کیس: پرویز مشرف اشتہاری قرار، تمام جائیداد ضبط کرنے کا حکم


خورشید شاہ نے کہا کہ امید ہے نواز شریف نیب میں کیسز کا سامنا کریں گے، ایک وزیر اعظم کو کرپشن کے الزام پرعدالت ہٹائے تو بہت فرق پڑتا ہے۔ یوسف رضا گیلانی کو جب سزا ملی تو ہم دوسرا وزیراعظم لائے۔

اپوزیشن لیڈر نے کہا کہ میاں صاحب ملک میں واپس ضرور آئیں گے، نواز شریف کیسز کا سامنا نہیں کرتے تو وہ خود پارٹی کا نقصان کریں گے۔

انہوں نے کہا کہ عمران خان کی اپنی پارٹی ہے وہ کچھ بھی کہہ سکتا ہے، خیبرپختونخوا میں فرعون کسی اور کو کہتے ہیں، وقت ثابت کرے گا فرعون کون اور موسیٰ کون ہے۔

خواجہ اظہار الحسن پر حملے کی مذمت کرتے ہوئے خورشید شاہ نے کہا کہ حملہ کرنے والوں کو جلد گرفتار کیا جائے۔

کراچی میں بارش کی صورت حال پر انہوں نے کہا کہ کراچی کے مختلف علاقوں سے 80 فیصد پانی نکال دیا گیا ہے، امریکہ میں بارشوں سے راستے بند اور کشتیاں چلتی ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں