بے نظیر قتل کیس، پی پی کی 3 اپیلیں دائر، سماعت آج ہوگی benazir murder case
The news is by your side.

Advertisement

بے نظیر قتل کیس، پی پی کی 3 اپیلیں دائر، سماعت آج ہوگی

راولپنڈی: پیپلز پارٹی نے بے نظیر قتل کیس کے فیصلے کے خلاف اپیلیں دائر کردیں، سماعت آج ہوگی۔

یہ اپیلیں سردار لطیف کھوسہ نے ہائی کورٹ راولپنڈی بینچ میں دائر کی ہیں۔

سردار لطیف کھوسہ نے عدالت کے باہر میڈیا سے گفت گو کرتے ہوئے کہا کہ اپیلوں میں انسداد دہشت گردی عدالت کے فیصلوں کو چیلنج کیا گیا ہے، پولیس افسران کو اے ٹی سی ایکٹ کے تحت سزائیں نہیں دی گئیں۔

انہوں نے بتایا کہ یہ اپیلیں آصف زرداری کی جانب سے دائر کی گئی ہیں جس میں پرویز مشرف کے مفرور ہونے پر انہیں کیس سے علیحدہ کردیا ہے ہم نے اسے بھی چیلنج کیا ہے کہ مفرور ہونے پر ان کی ساری جائیداد بھی ضبط ہوگی اور سزا بھی ہوگی۔

دوسری اپیل ہم نے سعود عزیز اور خرم شہزاد کو صرف 17، 17 سال سزا دیے جانے کے خلاف کی ہے کہ انہیں سزائے موت دی جائے۔


تیسری اپیل ہم نے رہا کیے جانے والے ان پانچ افراد رفاقت حسین ، حسنین و دیگر کے خلاف کی ہے ۔

خیال رہے کہ بے نظیر قتل کیس کے فیصلے کے خلاف پیپلز پارٹی کی ان اپیلوں کی سماعت آج ہوگی۔

Comments

comments

یہ بھی پڑھیں