عمران خان نا اہلی کیس کی سماعت کرنے والا بینچ ایک بارپھرٹوٹ گیا -
The news is by your side.

Advertisement

عمران خان نا اہلی کیس کی سماعت کرنے والا بینچ ایک بارپھرٹوٹ گیا

اسلام آباد : جسٹس اطہرمن اللہ نے عمران خان نا اہلی کیس سننے سے معذرت کرلی جس کے بعد اسلام آباد ہائی کورٹ کا بینچ ایک با پھر ٹوٹ گیا۔

تفصیلات کے مطابق اسلام آباد ہائی کورٹ میں عمران خان نا اہلی کیس کی سماعت کا آغاز ہوا تو بینچ کے رکن جسٹس اطہرمن اللہ نے کیس سننے سے معذرت کرلی۔

جسٹس اطہرمن اللہ کا کہنا تھا کہ چیف جسٹس (ر) افتخارچوہدری سے قریبی تعلق تھا، ماضی کے تعلق کی وجہ سے سماعت نہیں کرسکتا۔

معززجج اطہرمن اللہ کی معذرت کے بعد بینچ ایک بار پھر ٹوٹ گیا اور نیا بینچ بنانے کے لیے معاملہ پھر چیف جسٹس اسلام آباد ہائی کورٹ انورخان کاسی کو بھجوا دیا گیا۔

خیال رہے کہ اس سے قبل عمران خان نا اہلی کیس کی سماعت کے لیے جسٹس شوکت عزیزصدیقی اور جسٹس عامرفاروق پرمشتمل بینچ تشکیل دیا گیا تھا تاہم 29 جولائی کو جسٹس شوکت عزیز صدیقی کو بینچ سے علیحدہ کرکے جسٹس میاں گل حسن اورنگزیب کو شامل کیا تھا۔

عمران خان نا اہلی کیس کا بینچ ٹوٹ گیا

بعدازاں یکم اگست کو جسٹس عامرفاروق اور جسٹس میاں گل حسن اورنگزیب پرمشتمل بینچ نے کیس کی سماعت کرنے سے معذرت کرلی تھی جس کے بعد بینچ ٹوٹ گیا تھا۔

Comments

comments

یہ بھی پڑھیں