ہمارے دیسی کھانوں میں لونگ کا استعمال بہت عام ہے لیکن یہ صرف ایک مصالحہ نہیں بلکہ جڑی بوٹی کے طور پر بھی استعمال کی جاتی ہے۔
بڑے پیمانے پر لوگ اسے نہ صرف مصالحے کے طور پر بلکہ مختلف بیماریوں کے علاج کے لیے بھی استعمال کرتے ہیں۔
موسم سرما میں لونگ بہت فائدے مند ہے، یہ ٹھنڈ سے بچاتی ہے ساتھ ہی نزلہ، کھانسی، زکام اور گلے کے درد میں بھی آرام پہنچاتی ہے۔
کھانسی
سردی کے موسم میں کھانسی ایک عام بیماری ہے، اس کے علاج کے لیے لونگ کو توے پر بھون کر اسے مسل کر نیم گرم شہد میں ملا کر کھائیں تو کھانسی رک جائے گی۔
بند ناک
بند ناک کھولنے کے لیے روزانہ صبح شام لونگ ڈال کر گرم پانی کی بھاپ لی جائے تو نزلہ زکام سے نجات مل جائے گی۔
منہ کی صحت
تحقیق سے معلوم ہوا ہے کہ منہ کی اندرونی صحت اور تندرستی برقرار رکھنے کے لیے لونگ اہم کردار ادا کرتی ہے، روز مرہ معمول میں لونگ والے ٹوتھ پیسٹ اور ماؤتھ واش استعمال کرنا چاہیئے۔
لونگ میں موجود طاقتور اجزا منہ کے جراثیم ختم کر کے جلن اور سوزش کو کم کرتے ہیں۔
دانتوں کا درد
دانت یا داڑھ کے درد کے لیے لونگ کو داڑھ میں دبا لینا پرانا ٹوٹکا ہے، لونگ میں درد دور کرنے کی خصوصیات موجود ہوتی ہیں، اس کا عرق پیتے رہنے سے دانت کا درد دور ہو جائے گا۔
