site
stats
فوڈ

مزیدار بنگالی فش بنانے کی ترکیب

آج افطار میں اپنے گھر والوں، رشتہ داروں اور احباب کی تواضع دوسرے لذیذ اور ذائقہ دار پکوانوں کے ساتھ گرما گرم اور لذیذ بنگالی فش سے کریں۔

:بنگالی فش بنانے کی ترکیب

:اجزا

فش فلے: آدھا کلو

کوکونٹ ملک: 1 کپ

درمیانی پیاز: 1 عدد

ہری مرچ: 5 عدد

کڑی پتے: چند عدد

تیل: چوتھائی کپ

اجوائن: آدھ چائے کا چمچ

ادرک لہسن کا پیسٹ: 2 کھانے کے چمچ

کھڑا گرم مصالحہ: حسب ضرورت

نمک: حسب ذائقہ

:ترکیب

پہلے آدھ کلو فش فلے کو چھوٹے کیوب میں کاٹ کر ایک پین میں تھوڑے سے تیل کے ساتھ فرائی کر کے رکھ دیں۔

اس کے بعد ایک کڑاہی میں چوتھائی کپ تیل شامل کر کے ایک عدد باریک کٹی ہوئی پیاز گولڈن کرلیں۔

ساتھ میں حسب ضرورت کھڑا گرم مصالحہ، چند کڑی پتے، 2 کھانے کے چمچ ادرک لہسن کا پیسٹ، حسب ذائقہ نمک اور آدھ چائے کا چمچ اجوائن شامل کردیں۔

جب پیاز گولڈن ہوجائے تو اس میں 5 عدد ہری مرچوں کا پیسٹ اور ایک پیالی کوکونٹ شامل کرلیں۔

جب وہ پکنا شروع ہوجائے تو اس میں فرائی کی ہوئی مچھلی شامل کر کے اتنا پکائیں کہ کوکونٹ ملک تھوڑا سا گاڑھا ہوجائے۔

آخر میں مزیدار بنگالی فش سرو کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top