این سی او سی کی جانب سے اندرون ملک فضائی سفر کے لیے ویکسینیشن لازمی قرار دیے جانے کے بعد سول ایوی ایشن نے فیصلے پر عمل درآمد کے لیے ہدایت نامہ جاری کر دیا۔
سول ایوی ایشن نے ڈومیسٹک پروازوں کیلئے 10 ستمبر سے ویکسینیشن لازمی قرار دے دی ہے اور اس سلسلے میں ایئرلائنز کو ہدایات جاری کر دی ہیں۔
ڈپٹی ڈائریکٹر ایئر ٹرانسپورٹ کی جانب سے نوٹیفکیشن میں کہا گیا ہے کہ 18سال سے زائد عمر کے افراد ویکسی نیشن مکمل ہونی چاہیے۔
سی اےاے نے ایک ڈوز والے مسافروں کو دی گئی رعایت 10ستمبر سے واپس لے لی ہے۔
اس سے قبل 18سال سے زائدعمر کے مسافر کو ویکسین کی کم از کم ایک خوراک لگوانا لازمی تھی پابندی کا اطلاق یکم اگست سے تھا، بیرون ملک سفر کرنے والے پابندی سےمستثنیٰ ہیں۔
ذرائع کے مطابق ڈومیسٹک لاؤجز میں خصوصی کاؤنٹر نصب کیے جائیں گے، جو مسافروں کے ٹکٹ کے ساتھ اُن کے ویکسین سرٹیفیکٹ بھی چیک کریں گے اور پھر انہیں آگے جانے کی اجازت ہوگی۔ مسافروں کو ماسک پہننا اور سماجی فاصلے کو برقرار رکھنا ضروری ہوگا۔