بگھارے بینگن حیدرآبادی ڈش ہے جسے سادے ابلے ہوئے چاولوں کے ساتھ پیش کیا جاسکتا ہے۔ اسے دال یا گوشت کی ڈش کے ساتھ سائیڈ ڈش کے طور پر بھی کھایا جاتا ہے۔
یہ ڈش تقریبات میں بھی بہت شوق سے کھائی جاتی ہے۔
آج ہم آپ کو اس کی ترکیب بتا رہے ہیں۔
اجزا
بینگن چھوٹے گول والے: 1 کلو گرام
نمک: حسب ذائقہ
بڑی پیاز: 1 عدد
مونگ پھلی: 4 کھانے کے چمچ
خشخاش اور تل 2، 2 کھانے کے چمچ
ثابت دھنیہ: 2 کھانے کے چمچ
سفید زیرہ: 1 کھانے کا چمچ
پسی ہوئی لال مرچ: 1 چائے کا چمچ
پسی ہوئی ہلدی: آدھا چائے کا چمچ
گریوی بنانے کے لیے
تیل: 1 پیالی
ثابت لال مرچ: 6 سے 8 عدد
سفید زیرہ، کلونجی، میتھی دانہ اور رائی: آدھا آدھا چائے کا چمچ
کڑی پتے: چند عدد
ہری مرچیں: 2 سے 3 عدد
پسی ہوئی پیاز: 2 عدد
پسا ہوا ادرک لہسن: 1 کھانے کا چمچ
نمک: حسب ذائقہ
پسا ہوا دھنیہ اور لال مرچ پاؤڈر: 1، 1 کھانے کا چمچ
ہلدی: 1 چائے کا چمچ
املی کا گودا: 1 پیالی
ترکیب
مونگ پھلی، خشخاش، تل، دھنیہ اور زیرے کو توے پر ہلکا سا بھون لیں۔
پیاز کو چھلکے سمیت چھری یا کسی کانٹے میں لگا کر چولہے پر بھون لیں۔
پھر اسے چھیل کر بھنے ہوئے مصالحے، نمک، لال مرچ اور ہلدی ملا کر پیس لیں۔
بینگن دھو کر خشک کرلیں اور ڈنڈی سے پکڑ کر مصالحہ بھرنے کے لیے پیچھے کراس کٹ لگائیں۔
کٹے ہوئے حصے پر ایک چٹکی نمک چھڑک دیں اور اس کے بعد مصالحہ بھر دیں۔
اچھی طرح دونوں ہاتھوں سے دبا دبا کر بند کر کے رکھ دیں۔
گریوی بنانے کے لیے
پین میں ایک پیالی کنولا آئل کو دو سے تین منٹ گرم کر کے ثابت لال مرچ، سفید زیرہ، رائی، میتھی دانہ، کلونجی، کڑی پتے اور ہری مرچیں ڈال دیں۔
جب کڑکڑانے لگے تو پیاز ڈال کر ہلکا سنہری ہونے تک بھونیں۔
اب ادرک لہسن، نمک، دھنیہ، لال مرچ اور ہلدی ڈال کر تھوڑا سا پانی کا چھینٹا دے کر بھونیں۔
جب تیل مصالحے سے الگ ہونے لگے تو بینگن ڈال کر آدھی پیالی پانی شامل کردیں اور ڈھک کر درمیانی آنچ پر پانچ سے سات منٹ تک پکائیں۔
پھر املی کا گودا ڈال کر پانچ سے سات منٹ کے لیے ہلکی آنچ پر دم پر رکھ دیں۔
دم ہونے کے بعد چالوں کے ساتھ پیش کریں۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
