The news is by your side.

Advertisement

اٹک: سابق وزیرداخلہ کرنل شجاع کی نشست پرضمنی آج ہورہا ہے

اٹک: سابق وزیرداخلہ پنجاب کرنل شجاع خانزادہ شہید کی خود کش حملے میں شہادت کے بعد خالی ہونے والی نشست پی پی16تحصیل حضرو پرضمنی انتخاب آج 6 اکتوبرکو ہورہا ہے جس میں کرنل شجاع خانزادہ کے بیٹے جہانگیرخانزاد ہ مسلم لیگ(ن) کے نامزد کردہ امیدوارہیں۔

تفصیالت کے مطابق جہانگیرخانزادہ دہشت گردوں کی طرف سے ملنے والی دھمکیوں کی وجہ سے جلسوں میں شرکت نہیں کر رہے اوران کی انتخابی مہم مسلم لیگ(ن) کے عہدیدار اورکارکن چلا رہے ہیں۔

جہانگیر خانزادہ کے مدمقابل آزاد امیدوار ڈاکٹر نعیم میدان میں ہیں، پولنگ صبح 8 بجے شروع ہوگی اور شام 5 بجے تک بلاتعطل جاری رہے گی۔

جہانگیر خانزادہ نے گفتگو کرتے ہوئے کہا کہ میں اپنے شہید والد کے مشن اور ادھورے کاموں کو مکمل کرنے کیلئے الیکشن میں حصہ لے رہا ہوں میرے خاندان کی خدمات کی وجہ سے لوگ مجھے ووٹ دیں گے۔

ایک سوال کے جواب میں اس نے کہا کہ میرے علم میں کوئی ایسی بات نہیں کہ میرے مخالف امیدوار ڈاکٹر نعیم اعوان کے بینرز اتارے جا رہے ہیں ڈاکٹر نعیم اعوان میرے لیے قابل احترام رہیں گے الیکشن لڑنا ہر شخص کا حق ہے۔

Print Friendly, PDF & Email

Comments

comments

یہ بھی پڑھیں