جی ٹوئنٹی اجلاس : امریکی صدر اور چینی صدر پہلی بار ملاقات کریں گے

بالی: انڈونیشیا میں جی ٹوئنٹی اجلاس کے دوران امریکی جو بائیڈن اور چینی صدر شی جن پنگ پہلی بار ملاقات کریں گے۔

تفصیلات کے مطابق امریکی صدر جو بائیڈن اور چینی صدر جی ٹوئنٹی اجلاس میں شرکت کرنے کے لیے انڈونیشیا کے شہر بالی پہنچ گئے۔

انڈونیشیا میں جی ٹوئنٹی سربراہی اجلاس کے دوران جو بائیڈن اورچینی ہم منصب شی جن پنگ کے درمیان پہلی بار ملاقات ہوگی، ملاقات میں تائیوان، یوکرین جنگ اور شمالی کوریا عزائم پر تبادلہ خیال کیا جائے گا۔

امریکی صدر جو بائیڈن کا کہنا ہے کہ چینی صدر کو جانتا ہوں اور وہ مجھے جانتے ہیں، چینی صدر شی جن پنگ نے ہمیشہ سیدھی بات کی ہے۔

جو بائیڈن نے مزید کہا کہ چین اور امریکہ کے درمیان کچھ غلط فہمیاں ضرور ہیں، ہمیں صرف یہ معلوم ہے کہ ہماری ڈیڈ لائنز کیا ہیں۔

انڈونیشیا کے شہر بالی میں جی 20 سمٹ15 سے 16 نومبر تک جاری رہے گی۔

Comments