واشنگٹن: امریکی نیشنل گارڈ کی کار پارکنگ میں سونے کی تصویریں سامنے آنے کے بعد امریکی صدر جوبائیڈن نے نیشنل گارڈز سے معذرت کرلی۔
غیرملکی خبررساں ادارے کی رپورٹ کے مطابق امریکی صدر جوبائیڈن کی تقریب حلف براداری کے لیے تعینات نیشنل گارڈز تقریب کے بعد مناسب جگہ نہ ملنے کے باعث کیپٹل ہل کی کار پارکنگ میں ہی سو گئے تھے جس کی تصاویر سوشل میڈیا پر وائرل ہوگئی تھیں۔
نیشنل گارڈز کی کار پارکنگ میں سونے کی تصاویر وائرل ہونے کے بعد امریکی سیاست دان اور مختلف ریاستوں کے میئر نے برہمی کا اظہار کیا تھا۔
امریکی سینیٹر ٹِم اسکاٹ نے بھی اپنی ٹوئٹ میں نیشنل گارڈز کی کار پارکنگ ایریا میں لیٹے ہوئے تصاویر پوسٹ کیں اور شدید غصے کا اظہار کرتے ہوئے ذمہ داروں کو سزا دینے کا مطالبہ کیا تھا۔
Our troops deserve the utmost honor & respect for securing the Capitol & defending democracy this week.
This is unconscionable & unsafe. Whoever’s decision this was to house our National Guardsmen & women in underground parking lots must be held accountable. pic.twitter.com/mBwpoog6YC
— Tim Scott (@SenatorTimScott) January 22, 2021
بعدازاں امریکی صدر جوبائیڈن نے نیشنل گارڈز کے چیف کو فون کرکے معافی مانگی اور خاتون اول جل بائیڈن نے نیشنل گارڈز سے ملاقات کی اور ان کا شکریہ ادا کیا، خاتون اول نے وائٹ ہاؤس کی جانب سے نیشنل گارڈز کو تحفے بھی دئیے۔