The news is by your side.

Advertisement

جوبائیڈن ٹرمپ کی کون سی پالیسیاں تبدیل کرنے والے ہیں

واشنگٹن: امریکہ کے نو منتخب صدر جو بائیڈن نے ڈونلڈ ٹرمپ کی پالیسیوں کو تبدیل کرنے کا فیصلہ کیا ہے۔

بین الاقوامی میڈیا رپورٹ کے مطابق نومنتخب امریکی صدر بائیڈن اپنا عہدہ سنبھالنے کے بعد ٹرمپ کی پالیسیوں کو تبدیل کرنے کے لئے ایک ایگزیکٹو آرڈر پر دستخط کرینگے، جس میں پیرس آب و ہوا معاہدہ اور عالمی صحت تنظیم میں دوبارہ شامل ہونے کا منصوبہ بھی شامل ہے۔

ذرائع کا کہنا ہے کہ جو بائیڈن کے ایجنڈے کو نافذ کرنے کے لئے ایگزیکٹو آرڈر جاری کرنا صرف ایک ذریعہ ہے اور ان کی ترجیح کانگریس کے ساتھ کام کرنے کی ہوگی۔

یہ بھی پڑھیں: ’ سنہ 2020 ٹرمپ کے لیے بہت برا ثابت ہوا

جو بائیڈن سرکاری طور پر اپنے آفس میں مشاورت کا آغاز کررہے ہیں، اسی روز بائیڈن کرونا ٹاسک فورس کا نام تجویز کرینگے ، جس کا ذکر انہوں نے صدارتی الیکشن میں فتح کے بعد کیا تھا۔

اپنے خطاب میں جو بائیڈن کا کہنا تھا کہ ہم اپنے کام کا آغاز کووڈ کو کنٹرول کرنے سے شروع کرینگے، اس کے لئے میں اہم سائنسدانوں اور ماہرین کا ایک گروپ تشکیل دوں گا، جو جنوری دو ہزار اکیس سے اپنا کام شروع کرے گا۔

واضح رہے کہ امریکا نے چار نومبر کو باضابطہ طور پر دوہزار پندرہ کے عالمی موسمیاتی معاہدے ’پیرس کلائمنٹ ایگریمنٹ‘ سے نکلنے کا اعلان کیا تھا۔

Comments

یہ بھی پڑھیں