The news is by your side.

Advertisement

کروناویکسین کے حصول کیلئے حکومت کا بڑا فیصلہ

اسلام آباد: حکومت نے متوقع کروناویکسین کی ایڈوانس بکنگ کو حتمی شکل دینے کے لیے عالمی اداروں سے رابطہ کرنے کا فیصلہ کرلیا تاکہ فنڈز حاصل کیے جاسکیں۔

تفصیلات کے مطابق ذرایع کا کہنا ہے کہ حکومت کروناویکسین کی فنڈنگ کے لیے ورلڈبینک سے رابطہ کرے گی، حکومت فنڈنگ کے لیے ایشیائی ترقیاتی بینک اور یونیسیف سے بھی بات چیت کرے گی۔

ذرائع نے بتایا کہ عالمی اداروں سے فنڈز کے حصول کے لیے رابطے وزارت صحت کرے گی، وزارت صحت عالمی اداروں سے رابطے اکنامک افیئرز ڈویژن کے ذریعے کرے گی۔

اس حوالے سے ذرایع کا یہ بھی کہنا تھا کہ عالمی اداروں سے آسان شرائط پر قرض اور امداد پر بات چیت ہوگی، وزارت صحت نے ویکسین خریداری پر مربوط پلان کی تیاری کا آغاز کردیا۔

اقتصداری رابطہ کمیٹی(ای سی سی) ویکسین کی بکنگ کے لیے 150 ملین ڈالرز کی منظوری دے چکی ہے۔

کروناویکسین، امریکا نے پاکستان کو بڑی پیشکش کردی

دوسری جانب امریکا، پاکستان کے ساتھ مل کر ویکسین تیار کرنے کی پیش کش کرچکا ہے۔ پاکستان کے متوقع کروناویکسین کے لیے امریکا سے سفارتی رابطے جاری ہیں۔

امریکا کا کہنا تھا کہ پاکستان کو کروناویکسین سازی کے عمل میں خوش آمدید کہیں گے، پاکستان سے متوقع کرونا ویکسین سازی میں تعاون کیلئے تیار ہیں۔ امریکا نے پیش کش کی کہ امریکی کمپنیاں پاکستان سے ویکسین سازی میں تعاون کر سکتی ہیں، باہمی تعاون سے پاکستانی کمپنیز مقامی طور کروناویکسین تیار کرسکیں گی۔

Comments

یہ بھی پڑھیں