کراچی: عالمی ہوابازی کی تنظیم(اکاؤ) آڈٹ کے حوالے سے پاکستان کے دورے پر ہے، ٹیم کل سے فلائٹ انسپکشن کرے گی۔
تفصیلات کے مطابق کامیاب سیفٹی آڈٹ پر قومی ایئرلائن(پی آئی اے) کی یورپ اور برطانیہ کے لیے پروازیں بحال ہوسکتی ہیں، انٹرنیشنل سی اےاےآرگنائزیشن ٹیم کل7دسمبر کو فلائٹ انسپکشن کرے گی۔
اکاؤ کی ٹیم فلائٹ مانیٹرنگ نظام کا بھی جائزہ لے گی۔ ماہرین کی ٹیم کراچی سے اسلام آباد کی پی آئی اے کی فلائٹ کی انسپکشن بھی کرے گی۔
انٹرنیشنل سی اےاےماہرین 29 نومبر سے سیفٹی آڈٹ کے لیے پاکستان پہنچی تھی۔
خیال رہے کہ عالمی ہوابازی کے ادارے اکاؤکی ٹیم 10دسمبر کو سیفٹی آڈٹ کرکے روانہ ہوگی۔ کامیاب سیفٹی آڈٹ پرپی آئی اے کی یورپ اوربرطانیہ کیلئےپروازیں بحال ہوسکتی ہیں۔
عالمی ہوابازی کی تنظیم کے علاوہ برطانوی محکمہ ٹرانسپورٹ DFT کے ماہرین کی ٹیم بھی پی آئی اے کے آڈٹ کے معاملے کا جائزہ لے رہی ہے۔ برطانوی محکمہ ٹرانسپورٹ کی ٹیم نے پی آئی اے کے مختلف شعبوں کا آڈٹ کیا ہے۔
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں